लोकनायक मिडिया

बीडमध्ये व्हॉईस ऑफ मीडियाचे मराठवाडा अधिवेशनाचे उद्घाटन ; शेकडो पत्रकारांची उपस्थिती --------------------------------------------------------------------------------- बीड / संपादक रणजित डांगे (लोकनायक मिडीया न्युज नेटवर्क) देशभरात व्हॉईस ऑफ मीडियामुळे पत्रकारांचे मजबूत संघटन उभारले जात आहे. पत्रकारांना विमा कवच, पाल्यांचे शिक्षण, घर, नवे तंत्रज्ञान कौशल्य याकडे लक्ष दिले जातेय. व्हॉईस ऑफ मीडियाचे नेतृत्व करणारी फळी पाहता पत्रकारांचे देखील अच्छे दिन येतील, असा विश्वास निर्माण झाला आहे, असे मत छत्रपती संभाजीनगरचे खासदार इम्तियाज जलील यांनी व्यक्त केले. बीड येथील वैष्णो पॅलेस येथे व्हॉईस ऑफ मीडियाच्या मराठवाडा अधिवेशनाचे उद्घाटन खासदार डॉ.प्रितम मुंडे, छत्रपती संभाजीनगरचे खासदार इम्तियाज जलील हस्ते रविवारी (दि.३०) झाले. उद्घाटन सत्रात प्रमुख अतिथी म्हणून जिल्हाधिकारी दीपा मुधोळ, पोलिस अधीक्षक नंदकुमार ठाकुर, व्हॉईस ऑफ मीडियाचे संस्थापक तथा राष्ट्रीय अध्यक्ष संदीप काळे, व्हॉईस ऑफ मीडीयाचे उर्दू विंगचे राष्ट्रीय अध्यक्ष मुफ्ती हारूण नदवी, राष्ट्रीय उपाध्यक्ष मंदार फणसे, राज्याध्यक्ष अनिल म...

आयुष्यात ध्येय समोर असणे गरजेचे - अपर पोलिस अधिक्षक कविता नेरकर-पवार ============================================= अंबाजोगाई / संपादक रणजित डांगे (लोकनायक मिडीया न्युज नेटवर्क)  तुमची जडण - घडण उत्तम होण्यासाठी तसेच तुम्ही एक जबाबदार व सुजाण नागरिक व्हावे यासाठी खोलेश्‍वर महाविद्यालयाने तुमच्यावर जे चांगले संस्कार केले आहेत. त्या संस्कारांची शिदोरी सोबत ठेवून तुम्ही भविष्यात वाटचाल करावी, कोणतेही काम करा मात्र आयुष्यात एक चांगला माणूस बनायला शिका असे आवाहन अंबाजोगाईच्या अपर पोलिस अधिक्षक कविता नेरकर-पवार यांनी केले. त्या खोलेश्‍वर महाविद्यालयात आयोजित पदवी प्रमाणपत्र वितरण सोहळ्यात प्रमुख मार्गदर्शक म्हणून बोलत होत्या. स्व.गोपीनाथराव मुंडे सभागृहात शनिवार, दि. 29 एप्रिल रोजी खोलेश्‍वर महाविद्यालयातून पदवी प्राप्त केलेल्या विद्यार्थ्यांना पदवी प्रमाणपत्र वितरण कार्यक्रमाचे आयोजन मान्यवरांच्या उपस्थितीत करण्यात आले होते. या कार्यक्रमाच्या अध्यक्षस्थानी भाशिप्र संस्थेचे अध्यक्ष डॉ.सुरेंद्रजी आलुरकर हे होते. तर यावेळी व्यासपीठावर भाशिप्र संस्थेचे कार्यवाह डॉ.हेमंत वैद्य, केंद्रिय कार्य...

 ▫️ सस्नेह निमंत्रण ▫️ || सेवा विकास हाच ध्यास..!  || प्रति, श्रीमान / श्रीमती :......................................................... आपणांस कळविण्यात आनंद होत आहे, ॲड.माधव (आप्पा) जाधव मित्र मंडळ संपर्क कार्यालय परळी (वै.) चा  भव्य उद्घाटन सोहळा व स्नेहभोजन रविवार, दि. ३० एप्रिल २०२३ रोजी सकाळी १० वाजता  खालील मान्यवरांच्या उपस्थितीत संपन्न होत आहे. तरी या कार्यक्रमास व भोजनास आपली उपस्थिती प्रार्थनीय आहे. ▫️शुभहस्ते ▫️ मा.युवराज छत्रपती संभाजीराजे (स्वराज्य प्रमुख, माजी राज्यसभा सदस्य.) मा.शिवश्री सौरभदादा खेडेकर (महासचिव, संभाजी ब्रिगेड.) ▫️कार्यक्रमाचे अध्यक्ष▫️ मा.प्रभाकररावजी वाघमोडे (नाना) (मा.सभापती, समाजकल्याण, जि.प.बीड.) ▫️प्रमुख अतिथी ▫️ मा.श्री.माणिकरावजी कदम (प्रदेशाध्यक्ष, भारत राष्ट्र किसान समिती) मा.श्री.कालिदासजी आपेट (कार्याध्यक्ष, शेतकरी संघटना महाराष्ट्र राज्य.) मा.श्री.अशोकरावजी हिंगे (मराठवाडा अध्यक्ष, वंचित बहुजन आघाडी.) मा.श्री.बाबुराव मुंडे (ज्येष्ठ नेते, काँग्रेस) ▫️प्रमुख उपस्थिती ▫️ मा.श्री.महेंद्रजी निकाळजे (रिपाइं नेते, आठवले गट) मा....

महाराष्ट्र काँग्रेसचे अध्यक्ष आमदार नानाभाऊ पटोले ============================================== "विदर्भातील साकोली विधानसभा मतदारसंघाचे आमदार आणि महाराष्ट्र विधानसभेचे माजी सभापती आमदार नानाभाऊ पटोले यांची महाराष्ट्र काँग्रेसचे अध्यक्ष म्हणून केलेली निवड पक्षासाठी फायदेशीर ठरणार आहे. कारण, जेव्हापासून आमदार नानाभाऊ हे महाराष्ट्र काँग्रेसचे अध्यक्ष झाले आहेत. तेव्हापासून राज्यात अखिल भारतीय काँग्रेस पक्षाची ताकद दिवसेंदिवस वाढत चालली आहे. त्यामुळे आगामी काळात शेती प्रश्नांची जाण असणारे व ग्रामीण अर्थव्यवस्थेला बळकटी देणारे आमदार नानाभाऊ पटोले महाराष्ट्राचे मुख्यमंत्री होणार यात कोणतीही शंका नाही." ================================================ महाराष्ट्रातली आजची राजकीय स्थिती पाहिल्यास काँग्रेसने महाराष्ट्र प्रदेशाध्यक्षपद आ.नानाभाऊ पटोले यांच्याकडे देण्याला अनेक अर्थांनी महत्त्व आहे. हे आज प्रखरपणे जाणवू लागले आहे. कारण, आ.नानाभाऊ पटोले हे कुणबी (ओबीसी) समाजातून येतात आणि शेतकऱ्यांच्या प्रश्नांवर ते कायमच आक्रमक ही असतात. एवढेच नव्हे, तर आणखी ही कारणे आहेत. आ.नानाभाऊ पटोल...

  श्री खोलेश्र्वर माध्यमिक विद्यालयाचे एन.एम.एम.एस परीक्षेत सुयश ============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) शैक्षणिक वर्ष २०२२ - २३ मध्ये घेण्यात आलेल्या एन.एम.एम.एस परीक्षेची गुणवत्ता यादी नुकतीच जाहीर झाली असून येथील श्री खोलेश्वर माध्यमिक विद्यालयातील तब्बल पाच विद्यार्थी या शिष्यवृत्तीसाठी पात्र ठरले आहेत. यामध्ये गुणानुक्रमे कु.प्रिया रमाकांत शिंदे (११७ गुण), कु.माया भारत सौंदडे (१०५ गुण), कु.स्नेहल ज्ञानदेव भताने (१०३ गुण), चि.शिवम केशव मुंडे (१०० गुण), कु.आदिती भीमा वाघमारे (६३ गुण) प्राप्त करून या विद्यार्थ्यांनी उज्ज्वल यश संपादन केले आहे. या यशाबद्दल यशस्वी विद्यार्थी व त्यांना मार्गदर्शन करणारे या स्पर्धेचे प्रमुख शिक्षक धनंजय जब्दे यांचे भारतीय शिक्षण प्रसारक संस्थेचे अध्यक्ष डॉ.सुरेंद्रजी आलुरकर, उपाध्यक्ष जीतेश चापसी, कोषाध्यक्ष सत्यनारायण लोहिया, कार्यवाह डॉ.हेमंत वैद्य, संस्थेचे प्रशासकीय अधिकारी प्रा.चंद्रकांत मुळे, केंद्रीय कार्यकारिणी सदस्य तथा शाळेचे मुख्याध्यापक बाबुराव आडे, शहरातील केंद्रीय कार...

खोलेश्वर शैक्षणिक संकुलात राष्ट्रीय शैक्षणिक धोरणावर विशेष मार्गदर्शन ======================================= अंबाजोगाई / संपादक रणजित डांगे (लोकनायक मिडीया न्युज नेटवर्क) राष्ट्रीय शैक्षणिक धोरण हे खऱ्या अर्थाने भारताला विश्व गुरूत्वाकडे घेऊन जाणारा एक प्रभावी मार्ग असून या मार्गावरून जात असताना, 'समृद्ध शिक्षक घडावेत त्या माध्यमातून परिपूर्ण विद्यार्थी घडतील ' यासाठी पारंपारिक गुरूकुल शिक्षण पद्धती बरोबरच मोबाईल, संगणक पर्यायाने अंतर्जाल यांच्या वापरातून तंत्रज्ञानावर आधारित अध्यापन पद्धतींचा समावेश अध्यापनात हावा, असे प्रतिपादन राष्ट्रीय शैक्षणिक धोरणाच्या तज्ज्ञ मार्गदर्शिका तथा ज्येष्ठ लेखिका डॉ.प्राची साठे यांनी केले. येथील खोलेश्वर माध्यमिक विद्यालयात 'राष्ट्रीय शैक्षणिक धोरणावर' विशेष मार्गदर्शनावेळी त्या बोलत होत्या. पुढे त्या म्हणाल्या की, शिक्षक आणि विद्यार्थी यांच्यात गुरूकुल पद्धतीप्रमाणे नाते निर्माण होणे आवश्यक आहेत. याद्वारेच त्यांच्यातील नाते समृद्ध होईल. विद्यार्थ्यांना चांगलं घडविण्याची जबाबदारी ही शिक्षकांचीच आहे. पाठ्यपुस्तके ही केवळ दिशादर्शकाचे का...

जनसामान्यांचा आवाज बुलंद करण्यासाठी परळीत सुरू होणार 'माधव भवन' ; परळी विधानसभा मतदारसंघात सामाजिक कार्यकर्ते ॲड.माधव (आप्पा) जाधव यांच्या संपर्क कार्यालयाच्या भव्य उद्घाटन सोहळ्याचे आयोजन ============================================= परळी वैजेनाथ / संपादक रणजित डांगे (लोकनायक मिडीया न्युज नेटवर्क) स्वराज्य प्रमुख युवराज छत्रपती संभाजीराजे, सौरभदादा खेडेकर हे परळीच्या दौऱ्यावर येणार आहेत. सर्वसामान्यांच्या हाकेला धावून जाणारे परळी विधानसभा मतदारसंघातील सामाजिक कार्यकर्ते ॲड.माधव (आप्पा) जाधव यांच्या संपर्क कार्यालय भव्य उद्घाटनाचा सोहळ्याचे आयोजन रविवार,दि.३० एप्रिल रोजी करण्यात आले असून यासाठी अनेक दिग्गज मान्यवरांची उपस्थिती या सोहळ्याला असणार आहे. या सोहळ्याची जय्यत तयारी सध्या हालगे गार्डन येथे सुरू असून संपूर्ण परळी विधानसभा मतदारसंघासह परळी शहर आणि परिसरातील नागरिकांना या कार्यक्रमाचे निमंत्रण दिले गेले आहे. मोंढा परिसरात असलेल्या माधव भवन येथे ॲड.माधव जाधव मित्र मंडळाचे कार्यालय सुरू करण्यात आले आहे. सुप्रसिद्ध सामाजिक कार्यकर्ते तथा विधीज्ञ ॲड.माधव जाधव यांच्या नावाने ...

अंबाजोगाईत भारतरत्न डॉ.बाबासाहेब आंबेडकर सार्वजनिक जयंती उत्सव समितीची प्रबोधनपर व्याख्यानमाला ======================================= अंबाजोगाई / संपादक रणजित डांगे (लोकनायक मिडीया न्युज नेटवर्क) येथील भारतरत्न डॉ.बाबासाहेब आंबेडकर सार्वजनिक जयंती उत्सव समितीच्या वतीने भारतरत्न डॉ.बाबासाहेब आंबेडकर यांच्या 132 व्या जयंतीनिमित्त नुकतेच दोन दिवसीय प्रबोधनपर व्याख्यानमालेचे आयोजन करण्यात आले होते. अंबाजोगाईत मागील 31 वर्षांपासून कार्यरत असलेली सर्वांत जुनी व सन 2002 साली शासनाकडे अधिकृतरित्या नोंदणीकृत झालेल्या डॉ.बाबासाहेब आंबेडकर सार्वजनिक जयंती उत्सव समितीच्या वतीने जयंतीनिमित्त दरवर्षी महाराष्ट्रातील नामांकीत व्याख्यात्यांना निमंत्रित करून प्रबोधनपर व्याख्यानमालेचे आयोजन करण्यात येते. यावर्षी ही भारतरत्न डॉ.बाबासाहेब आंबेडकर यांच्या 132 व्या जयंतीनिमित्त 22 आणि 23 एप्रिल 2023 या कालावधीत आयोजित दोन दिवसीय प्रबोधनपर व्याख्यानमालेत महाराष्ट्रातील नामवंत व्याख्याते सहभागी झाले. शनिवार, दिनांक 22 एप्रिल रोजी आयोजित व्याख्यानमाला पुष्...

प्रवेश पात्र विद्यार्थ्यांच्या शिक्षणासाठी इंग्रजी शाळेमध्ये प्रवेश मिळविण्यासाठी सहकार्य ============================================= अंबाजोगाई / संपादक रणजित डांगे (लोकनायक मिडीया न्युज नेटवर्क) अंबाजोगाई तालुक्यातील अनेक मुलांचे ऍडमिट कार्ड डाऊनलोड करून भरलेल्या फॉर्मची व हमीपत्र तसेच ॲडमिट कार्डचे वाटप करण्यात येत आहे. तसेच प्रवेश पात्र विद्यार्थ्यांच्या शिक्षणासाठी इंग्रजी शाळेमध्ये प्रवेश मिळवण्यासाठी सहकार्य करीत आहेत.आरटीई प्रवेश प्रक्रियेद्वारे निवड झालेल्या विद्यार्थी व पालक यांना भेटून समतादूत यांच्याकडून ऍडमिट कार्डचे वाटप व मार्गदर्शन करीत आहेत.  सामाजिक न्याय व विशेष सहाय्य विभागाची स्वायत्त संस्था डॉ.बाबासाहेब आंबेडकर संशोधन व प्रशिक्षण संस्था (बार्टी) पुणे, अंतर्गत सामाजिक न्याय विभागाचे सचिव सुमंत भांगे, बार्टीचे महासंचालक सुनिल वारे, निबंधक अस्वार मॅडम व बार्टीचे विभागप्रमुख सत्येंद्रनाथ चव्हाण यांच्या मार्गदर्शनाखाली समतादूत यांच्याकडून विविध योजनेचा प्रसार व प्रचार व त्याचबरोबर आर्थिकदृष्ट्या दुर्बल घटकांना लाभ मिळावा यासाठी सतत कार्य सुरू असते. त्या अनुषंगाने...

आगारप्रमुख अमर राऊत यांच्या सत्कारासाठी समाजबांधव मित्र परिवार आणि एस.टी.कर्मचारी यांचा पुढाकार =========================================== अंबाजोगाई / संपादक रणजित डांगे (लोकनायक मिडीया न्युज नेटवर्क) अंबाजोगाई एस.टी.आगारप्रमुख पदाचा कार्यभार स्विकारल्यानंतर समाजबांधव, मित्र परिवार आणि एस.टी.कर्मचाऱ्यांकडून आगारप्रमुख अमर राऊत यांचा मंगळवार, दिनांक 25 एप्रिल रोजी सत्कार करण्यात आला. अंबाजोगाई एस.टी.आगारप्रमुख म्हणून अमर दिलीपराव राऊत यांनी नुकताच आपल्या पदाचा कार्यभार स्विकारला आहे. अमर राऊत हे पूर्वी सहाय्यक वाहतूक अधिक्षक होते. यापूर्वी ही ते अंबाजोगाई आगारात कार्यरत होते. नुकतेच ते अंबाजोगाई आगारप्रमुख म्हणून रूजू झाले. त्यांनी परळी वैजेनाथ आगारातून वाहतूक निरीक्षक म्हणून आपल्या महामंडळातील सेवेला प्रारंभ केला. आत्तापर्यंत त्यांनी अंबाजोगाई येथे वाहतूक अधिक्षक म्हणून ही सेवा बजावली आहे. ते मूळचे बीड जिल्ह्यातील केज तालुक्याचे रहिवासी आहेत. 2011 साली ते एस.टी.महामंडळाच्या सेवेत रूजू झाले आहेत. उत्कृष्ट व तत्पर सेवा दिल्याबद्दल त्यांचे जनतेकडून वेळोवेळी कौतुक झाले आहे. मनमिळावू स्वभ...

परशुराम जन्मोत्सवानिमित्त अंबाजोगाईत कॅन्सर जनजागरण रॅलीचे आयोजन ============================================ अंबाजोगाई / संपादक रणजित डांगे (लोकनायक मिडीया न्युज नेटवर्क) दिवसेंदिवस कॅन्सर च्या रूग्णांचे प्रमाण वाढत आहे. त्यामुळे नियमित आरोग्य तपासणी करणे ही काळाची गरज असल्याचे मत आमदार नमिताताई अक्षय मुंदडा यांनी व्यक्त केले. परशुराम जन्मोत्सवानिमित्त पेशवा प्रतिष्ठान, अस्तित्व महिला संघटन, इंडियन मेडिकल असोसिएशन, तालुका आरोग्य अधिकारी कार्यालय यांच्या वतीने कर्करोग जनजागरण रॅलीचे आयोजन शुक्रवारी करण्यात आले होते. या रॅलीच्या उद्घाटन प्रसंगी आ.नमिताताई मुंदडा या बोलत होत्या. यावेळी व्यासपीठावर सुप्रसिध्द ह्रदयरोग तज्ज्ञ डॉ.नवनाथ घुगे, डॉ.अरूणा केंद्रे, डॉ.अर्चना थोरात, सौ.स्वरूपा कुलकर्णी, सौ.कल्याणी कुलकर्णी यांची प्रमुख उपस्थिती होती. यावेळी डॉ.अर्चना थोरात यांनी मार्गदर्शन करताना स्तनांच्या कॅन्सरनंतर सर्व्हिकल कॅन्सर, पोटाचा कॅन्सर, कोलोन आणि रेक्टम आणि लिप अँड कॅव्हिटी कॅन्सरची प्रकरणे सर्वांत जास्त समोर येत आहेत असे सांगितले. "गावं आणि शहरांमध्ये तुलना केली तर गावांमध्ये ...

अपर पोलिस अधीक्षक कार्यालयात मुस्लिम महिलांचा इफ्तार कार्यक्रम ============================================ अंबाजोगाई / संपादक रणजित डांगे (लोकनायक मिडीया न्युज नेटवर्क) सामाजिक सलोखा राखला जावा यासाठी विविध उपक्रम राबविण्यात येत आहेत. अंबाजोगाईच्या अपर पोलिस अधीक्षक कविता नेरकर-पवार यांनी हिंदू आणि मुस्लिम समाजातील महिलांसाठी रोजा इफ्तार पार्टी आयोजित केली होती. यावेळी हिंदू आणि मुस्लिम महिला भगिनींनी उत्स्फूर्त प्रतिसाद दिला. आजकाल इफ्तार पार्टीला सर्वत्र पुरूषांचीच उपस्थिती आपण बघितलेली आहे. अपर पोलीस अधीक्षक कविता नेरकर-पवार यांच्या पुढाकाराने अंबाजोगाई शहरात प्रथमच पोलिस प्रशासनाकडून महिलांसाठीच्या इफ्तार पार्टीचे अतिशय उत्तम नियोजन व आयोजन अपर पोलीस अधीक्षक कार्यालयात बुधवार दिनांक १९ एप्रिल रोजी करण्यात आले होते. विशेष म्हणजे या कार्यक्रमास विविध क्षेत्रात उल्लेखनीय कार्य करणाऱ्या मुस्लिम महिला भगिनींचा मोठा प्रतिसाद मिळाला. सोबतच हिंदू धर्मीय महिला भगिनींनी उत्स्फूर्त सहभाग घेतला. अंबाजोगाई शहरात हिंदू आणि मुस्लिम धर्मियांत एकोप्याचे वातावरण निर्माण व्हावे, शहरातील जातीय सलोख्...

प्रा.डी.जी.धाकडे यांचे सर्वस्तरांतून स्वागत व अभिनंदन =============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) डॉ.बाबासाहेब आंबेडकर मेमोरियल सोसायटी महू, मध्यप्रदेश सरकार यांच्या वतीने दिला जाणारा व राष्ट्रीय पातळीवर अत्यंत प्रतिष्ठेचा समजला जाणारा "राष्ट्रीय भिमरत्न पुरस्कार - 2023" अंबाजोगाई येथील ज्येष्ठ ग्रंथपाल, आंबेडकरी चळवळीतील अभ्यासू कार्यकर्ते प्रा.डी.जी.धाकडे यांना महामानव डॉ.बाबासाहेब यांच्या जन्मभूमीत डॉ.आंबेडकर नगर, महू, मध्यप्रदेश येथे एका अतिभव्य सोहळ्यात महामहीम राज्यपाल व मुख्यमंत्र्यांच्या हस्ते आणि मान्यवरांच्या प्रमुख उपस्थितीत शुक्रवार, दिनांक 14 एप्रिल 2023 रोजी प्रदान करण्यात आला. मध्यप्रदेशचे महामहीम राज्यपाल मा.मंगूभाई सी.पटेल, मध्यप्रदेशचे मुख्यमंत्री मा.शिवराजसिंह चौहान, डॉ.बाबासाहेब आंबेडकर मेमोरियल सोसायटी महू (मध्यप्रदेश) चे अध्यक्ष पूज्य भदन्त प्रा.सुमेधबोधी महाथेरो (राज्यमंत्री दर्जा प्राप्त), सचिव राजेश वानखेडे या अतिविशेष मान्यवरांच्या हस्ते हा पुरस्कार निवृत्त ग्रंथपाल प्रा.डी.जी.धाकडे या...

अंबाजोगाईत राष्ट्रीय एकात्मता, समता आणि बंधुता अबाधित ठेवण्यासाठी भीमसेन लोमटे यांच्याकडून सातत्याने विविध कार्यक्रमांचे आयोजन  ============================================= अंबाजोगाई / संपादक रणजित डांगे (लोकनायक मिडीया न्युज नेटवर्क)  शहरात भीमसेन लोमटे मित्र मंडळ व नवाब परिवाराकडून दरवर्षी छत्रपती शिवाजी महाराज जयंती, भारतरत्न डॉ.बाबासाहेब आंबेडकर जयंती, रामनवमी आणि हनुमान जन्मोत्सव तसेच ईद-ए-मिलाद असे सण सर्वांना सोबत घेऊन आणि सर्वांच्या सहभागातून मोठ्या उत्साहात साजरे केले जातात. अंबाजोगाई शहरात राष्ट्रीय एकात्मता, समता आणि बंधुता अबाधित ठेवण्यासाठी भीमसेन लोमटे हे सातत्याने विविध कार्यक्रमांचे आयोजन करतात. यावर्षी ही मुस्लिम समाज बांधवांच्या पवित्र रमजान महिन्याच्या पार्श्वभूमीवर रोजा इफ्तारचे आयोजन करून सामाजिक सलोख्याचे दर्शन दिले. लोमटे (नवाब) यांच्या रोजा इफ्तार कार्यक्रमास अंबाजोगाई शहरातील विविध क्षेत्रातील मान्यवरांसह सर्वधर्मीय समाज बांधवांची मोठ्या संख्येने उपस्थिती होती. जगात कुठे काही झाले तरी त्याचे वाईट पडसाद अंबाजोगाई शहरात उमटत नाहीत. प्रत्येकवेळी अंबानगरी...

================================================ अंबाजोगाई / संपादक रणजित डांगे (लोकनायक मिडीया न्युज नेटवर्क)  येथील भारतरत्न डॉ.बाबासाहेब आंबेडकर सार्वजनिक जयंती उत्सव समितीच्या वतीने भारतरत्न डॉ.बाबासाहेब आंबेडकर यांच्या १३२ व्या जयंतीनिमित्त या वर्षीही २२ आणि २३ एप्रिल २०२३ रोजी दोन दिवसीय प्रबोधनपर व्याख्यानमालेचे आयोजन करण्यात आले असून या व्याख्यानमालेचे ठिकाण योगेश्वरी नूतन विद्यालय (प्राथमिक विभाग) प्रशांतनगर, अंबाजोगाई (जि.बीड) हे आहे. अशी माहिती सार्वजनिक जयंती उत्सव समितीच्या वतीने देण्यात आली आहे. अंबाजोगाईत मागील ३१ वर्षांपासून कार्यरत असलेली सर्वांत जुनी व सन २००२ साली शासनाकडे अधिकृतरित्या नोंदणीकृत झालेल्या डॉ.बाबासाहेब आंबेडकर सार्वजनिक जयंती उत्सव समितीच्या वतीने जयंतीनिमित्त दरवर्षी महाराष्ट्रातील नामांकीत व्याख्यात्यांना निमंत्रित करून प्रबोधनपर व्याख्यानमालेचे आयोजन करण्यात येते. यावर्षी ही भारतरत्न डॉ.बाबासाहेब आंबेडकर यांच्या १३२ व्या जयंतीनिमित्त २२ आणि २३ एप्रिल २०२३ या कालावधीत आयोजित दोन दिवसीय प्रबोधनपर व्याख्यानमालेत महाराष्ट्रातील नामवंत व्याख्याते सह...

============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) अंबाजोगाई क्रेडाईच्या अध्यक्षपदी संजय सुराणा तर सचिवपदी शेख शकील बागवान यांची सर्वानुमते निवड करण्यात आली. क्रेडाई अबाजोगाईच्या नव्या शाखेची स्थापना करण्यात येवून अध्यक्षपदी संजय सुराणा तर सचिवपदी शेख शकील बागवान, उपाध्यक्षपदी गोरख थोरात आणि कोषाध्यक्षपदी आंनद कर्नावट यांची सर्वानुमते निवड करण्यात आली. महाराष्ट्र क्रडाईचे अध्यक्षपदी प्रमोद खैरनार यांच्या नेतृत्वाखाली नुकतीच छत्रपती संभाजीनगर येथे क्रेडाईच्या नुतन कार्यकारणीचा पदग्रहण सोहळा संपन्न झाला. या कार्यक्रमाच्या अध्यक्षस्थानी केंद्रीय मंत्री अर्थ राज्यमंत्री भागवतराव कराड तर प्रमुख पाहुणे म्हणून राज्याचे महसुल मंत्री राधाकृष्ण विखे पाटील, सहकार मंत्री अतुल सावे, अतिरिक्त सचिव भूषण गगराणी हे मान्यवर उपस्थित होते. यावेळी महाराष्ट्र क्रेडाईचे अध्यक्ष प्रमोद खैरनार यांनी संजय सुराणा यांना अंबाजोगाईच्या शाखेचे प्रमाणपत्र प्रदान केले. यावेळी नुतन सचिव शेख शकील बागवान, क्रेडाईचे कन्टेनर समीर काझी, बीड क्रेडाईचे माजी अध्यक्ष अत...

"आरटीईअंतर्गत आर्थिक दुर्बल घटकातील पालकांच्या पाल्यांना इंग्रजी माध्यमांच्या शाळेत मोफत प्रवेश दिला जातो. दरवर्षी जवळपास हजारावर विद्यार्थ्यांना नामांकित शाळेत प्रवेश दिला जातो. शिक्षण शुल्क शासन देत असते."  ============================================ अंबाजोगाई / संपादक रणजित डांगे (लोकनायक मिडीया न्युज नेटवर्क)  आरटीईअंतर्गत आर्थिक दुर्बल घटकातील पालकांच्या पाल्यांना इंग्रजी माध्यमांच्या शाळेत मोफत प्रवेश दिला जातो. दरवर्षी जवळपास हजारावर विद्यार्थ्यांना नामांकित शाळेत प्रवेश दिला जातो. शिक्षण शुल्क शासन देत असते. मात्र दरवर्षी या प्रवेश प्रक्रियेमध्ये प्रचंड सावळा गोंधळ होतोय आणि खरे आर्थिक दुर्बल घटकातील विद्यार्थी या प्रवेश प्रक्रियेपासून वंचित राहतात. यावर्षीही असाच प्रकार निदर्शनास येत आहे. लॉटरी पद्धतीने निवड करण्यात आली आहे असे जरी सांगितले जात असले तरीही यात प्रचंड अफरातफर झालेली आहे. तालुकास्तरावर निवडण्यात आलेल्या समित्यांची खऱ्या लाभार्थ्यांना लाभ मिळवून देण्याची जबाबदारी असताना त्यांच्या हेतुबाबत ही शंका आहे. निवडण्यात आलेली नांवे खरेच आर्थिक दुर्बल घटकातील आह...

सर्वस्तरांतून माजी प्राचार्य डॉ.कांबळे यांच्या निवडीचे स्वागत व अभिनंदन ============================================ अंबाजोगाई / संपादक रणजित डांगे (लोकनायक मिडीया न्युज नेटवर्क) डॉ.बाबासाहेब आंबेडकर मेमोरियल सोसायटी महू, मध्यप्रदेश सरकार यांच्या वतीने दिला जाणारा व राष्ट्रीय पातळीवर अत्यंत प्रतिष्ठेचा समजला जाणारा "राष्ट्रीय भिमरत्न पुरस्कार - 2023" अंबाजोगाई येथील ज्येष्ठ साहित्यिक, प्रवर्तनवादी चळवळीचे अभ्यासक व आंबेडकरी विचाराचे भाष्यकार माजी प्राचार्य डॉ.कमलाकर कांबळे यांना महामानव डॉ.बाबासाहेब यांच्या जन्मभूमीत डॉ.आंबेडकर नगर, महू, मध्यप्रदेश येथे एका अतिभव्य सोहळ्यात मान्यवरांच्या हस्ते शुक्रवार, दिनांक 14 एप्रिल 2023 रोजी प्रदान करण्यात आला. मध्यप्रदेशचे महामहीम राज्यपाल मंगूभाई सी.पटेल, मध्यप्रदेशचे मुख्यमंत्री मा.शिवराजसिंह चौहान, डॉ.बाबासाहेब आंबेडकर मेमोरियल सोसायटी महू (मध्यप्रदेश) चे अध्यक्ष भदन्त प्रा.सुमेधबोधी महाथेरो (राज्यमंत्री दर्जा प्राप्त), सचिव राजेश वानखेडे या अतिविशेष मान्यवरांच्या हस्ते हा पुरस्कार माजी प्राचार्य डॉ.कमलाकर कांबळे यांना सन्मानपूर्वक...

समाज उन्नतीच्या विचारासाठी नि:स्वार्थ आयुष्य जगणे काळाची गरज - जिल्हा संघ कार्यवाह बिपीनदादा क्षीरसागर ============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) समाजसेवक कै.राजाभाऊ चौसाळकर यांचे आयुष्य हे भौतिक सुख संपन्नतेचं असताना ही विचार परिवाराच्या वाटेवर प्रवास करताना त्यांनी कठीण प्रसंगात केलेला संघर्ष आणि समाज उन्नतीच्या विचारासाठी नि:स्वार्थ सेवा, समर्पित आयुष्य घालवून त्यांनी केलेले समाजकार्य हे खर्‍या अर्थाने अविस्मरणीय असल्याचे गौरवोद्गार बीड जिल्हा राष्ट्रीय स्वयंसेवक संघाचे कार्यवाह बिपीनदादा क्षीरसागर यांनी काढले.  अंबाजोगाई शहरात विश्व हिंदु परिषदेच्या वतीने भारतरत्न डॉ.बाबासाहेब आंबेडकर यांच्या जयंतीचे औचित्य साधून तसेच समाजसेवक कै.राजाभाऊ चौसाळकर यांच्या पुण्यस्मरणानिमित्त गोशाळेला दिलेल्या औषधगोळ्या वितरण कार्यक्रमात क्षीरसागर हे प्रमुख अतिथी म्हणून बोलत होते. खोलेश्वर माध्यमिक शाळेच्या सभागृहात आयोजित कार्यक्रमासाठी व्यासपीठावर बीड जिल्हा राष्ट्रीय स्वयंसेवक संघाचे कार्यवाह बिपीनदादा क्षीरसागर, समाजसेवक कमलाकरर...

आई सेंटर येथे महामानव डॉ.बाबासाहेब आंबेडकर यांना अभिवादन ============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) अत्यंत प्रतिकूल परिस्थितीत स्वतःला पूर्णपणे झोकुन देत 'ज्ञानाचे अथांग महासागर' ठरलेले तसेच पूर्ण विश्वातून 'ज्ञानाचे प्रतीक' म्हणून ओळखले जाणारे महामानव तथा बोधिसत्व डॉ.बाबासाहेब आंबेडकर यांची 132 वी जयंती आंतरराष्ट्रीय व्यक्तिमत्त्व पुरस्कार प्राप्त विश्वविक्रमवीर प्रशिक्षक सर नागेश जोंधळे यांच्या अध्यक्षतेखाली उत्साहात साजरी करण्यात आली. आई सेंटर कॅंपस, संत सावतामाळी नगर, अंबाजोगाई येथे 'माझे बाबासाहेब : माझ्या जीवनात डॉ.बाबासाहेब आंबेडकर यांनी काय योगदान दिले आहे.?' या विषयावर सर्व आई सेंटरचे फॅमिली मेंबर्स यात 'ग्रुप ए'- पहिली ते चौथी, 'ग्रुप बी'-पाचवी ते सातवी, 'ग्रुप सी'- आठवी ते दहावी, तसेच 'ग्रुप डी'- अकरावी ते पदवीधर व पदव्यूत्तर पदवी अशा सर्वांनीच उत्स्फूर्तपणे सहभाग नोंदवत भारतरत्न डॉ.बाबासाहेबांनी प्रत्येकाच्या आयुष्यात व त्यांच्या जडणघडणीसाठी दिलेले योग...

क्रांतीसूर्य महात्मा फुले व विश्वरत्न डॉ.बाबासाहेब आंबेडकर जयंतीनिमित्त 'एक पेन एक वही अभियान' व आरोग्य तपासणी शिबीराचे आयोजन ============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) महामानव संविधानकार भारतरत्न डॉ.बाबासाहेब आंबेडकर व क्रांतीसूर्य महात्मा फुले जयंतीनिमित्त डॉ.बाबासाहेब आंबेडकर प्रतिष्ठान व इंडीयन मेडीकल असोसिएशन सांस्कृतिक विभाग, महाराष्ट्र राज्य यांच्या संयुक्त विद्यमाने आयोजित महाआरोग्य तपासणी व उपचार शिबीर आणि शालेय विद्यार्थ्यांकरिता 'एक वही, एक पेन' अभियान राबवून महामानवांना अभिवादन करण्यात आले. अंबाजोगाई शहरातील समाधान मानसोपचार रूग्णालयात आयोजित कार्यक्रमात उदघाटक म्हणून मराठी पत्रकार परिषदेचे बीड जिल्हा कार्याध्यक्ष दत्तात्रय अंबेकर, प्रमुख पाहुणे म्हणून पत्रकार अशोक दळवे, सामाजिक कार्यकर्ते अनील पिंपळे, वैद्यकीय तज्ज्ञ मार्गदर्शक बालरोग तज्ज्ञ डॉ.बळीराम मुंडे, मधुमेह तज्ज्ञ डॉ.नागोराव डेरनासे यांची प्रमुख उपस्थिती होती. उदघाटकीय भाषणात बोलताना जेष्ठ पत्रकार दत्तात्रय अंबेकर यांनी गेल्या पाच वर...

पद्मश्री शंकरबापू आपेगावकर यांचा वारसा पुढे चालविण्यासाठीच धृपद महोत्सवाचे आयोजन - युवा नेते अक्षयभैय्या मुंदडा ==============================================  अंबाजोगाई / संपादक रणजित डांगे (लोकनायक मिडीया न्युज नेटवर्क) अंबाजोगाई शहराला ऐतिहासिक सांस्कृतिक आणि कलेचा वारसा आहे हा वारसा जतन व्हावा म्हणून महाराष्ट्र राज्य सांस्कृतिक संचालनालयाचे वतीने या तीन दिवसीय धृपद महोत्सवाचे आयोजन करण्यात आले असून हा वारसा जतन करण्याचे काम अशा वेगवेगळ्या सांगीतिक कार्यक्रमाचे आयोजन करून करण्यात येईल असे मत युवा नेते अक्षयभैय्या मुंदडा यांनी व्यक्त केले. अंतरराष्ट्रीय ख्यातीचे पखावज वादक पद्मश्री शंकरबापू आपेगावकर यांच्या स्मृतीप्रित्यर्थ राज्य शासनाच्या सांस्कृतिक विभागाच्या वतीने दि. 15 ते 17 एप्रिल दरम्यान मुकुंदराज सभागृहामध्ये धृपद संगीत महोत्सवाचे आयोजन करण्यात आले आहे. या महोत्सवाचे उद्घाटन करताना अक्षयभैय्या मुंदडा बोलत होते. यावेळी व्यासपीठावर प्रख्यात धृपद गायक उदय भवाळकर, योगेश्वरी शिक्षण संस्थेचे अध्यक्ष डॉ.सुरेश खुरसाळे, ज्येष्ठ समाजसेवक नंदकिशोर मुंदडा, उपजिल्हाधिकारी शरद झाडके, अ...

वंचित बहुजन युवा आघाडीचे शहराध्यक्ष अमोल हातागळे यांचा पुढाकार =============================================== अंबाजोगाई / संपादक रणजित डांगे (लोकनायक मिडीया न्युज नेटवर्क) वंचित बहुजन आघाडीचे प्रमुख ऍड.बाळासाहेब आंबेडकर यांच्या आदेशानुसार अंबाजोगाईत जयंती साजरी करण्यात आली. अंबाजोगाई शहरातील लालनगर आणि क्रांतीनगर भागात भारतरत्न डॉ.बाबासाहेब आंबेडकर यांच्या 132 व्या जयंती निमित्त वंचित बहुजन युवा आघाडीचे वतीने महामानवास अभिवादन करण्यात आले. वंचित बहुजन युवा आघाडीचे शहराध्यक्ष अमोल हातागळे यांच्या पुढाकाराने आयोजित जयंती उत्सव कार्यक्रमात राजकीय, सामाजिक, शिक्षण क्षेत्रातील मान्यवर उपस्थित होते. प्रारंभी देवीदास बचुटे व ज्येष्ठ नेते कॉ.बब्रुवाहन पोटभरे यांच्या हस्ते दीपप्रज्ज्वलन करण्यात आले. तर श्रीमती कामाबाई घनघाव व जयश्री घनघाव यांच्या हस्ते ध्वजारोहण करण्यात आले. तर उपस्थित सर्वच अनुयायांनी महामानव डॉ.आंबेडकर यांच्या प्रतिमेस पुष्प अर्पण करून अभिवादन केले. यावेळी आशाबाई सोनवणे, श्यामल घनघाव, उर्मिला पाटोळे, पुष्पा सोनवणे व, रूक्मिणीबाई भोसले, कौशल्याबाई सरवदे, उषाताई आदमाने, सावित्...

जुलै ते ऑक्टोबर - 2022 या महिन्यांत अतिवृष्टीमुळे पाटोदा महसूल मंडळातील शेतक-यांचे झाले नुकसान =============================================== अंबाजोगाई / रणजित डांगे (लोकनायक मिडीया न्युज नेटवर्क) जुलै ते ऑक्टोबर - 2022 या महिन्यांत अतिवृष्टीमुळे पाटोदा महसूल मंडळातील शेतक-यांचे काढणीस आलेल्या पिकांचे 100 टक्के नुकसान झाले असून नुकसानग्रस्त शेतकऱ्यांना पीक विमा व अनुदान मिळावे याबाबत आपण प्रयत्नशील आहोत, जर अतिवृष्टी अनुदानातून वगळले तर अंबाजोगाई तालुक्याच्या पाटोदा महसूल मंडळातील शेतकरी तीव्र आंदोलन करतील असा इशारा बीड जिल्हा काॅंग्रेस कमेटीचे अध्यक्ष राजेसाहेब देशमुख यांनी दिला आहे. याबाबत आमच्या प्रतिनिधीशी बोलताना जिल्हाध्यक्ष राजेसाहेब देशमुख यांनी सांगितले की, जुलै ते ऑक्टोबर - 2022 महिन्यात झालेल्या अतिवृष्टीमुळे अंबाजोगाई तालुक्यासह पाटोदा महसूल मंडळातील शेतकऱ्यांचे खरीप पिकांचे 100 टक्के नुकसान झाले. परंतु, या शेतकऱ्यांना अद्याप ही शासनाकडून कसली ही मदत मिळालेली नाही. नुकसानग्रस्त शेतकऱ्यांना तातडीने नुकसान भरपाईचे अनुदान व पिक विमा मिळावा या मागणीसाठी आपण कृषीमंत्री अब्दुल ...