लोकनायक मिडिया

मौजे जवळगाव येथे गावकर्‍यांनी केला आजी - माजी सैनिकांचा ह्रद्य सन्मान ======================== अंबाजोगाई (लोकनायक डिजिटल मिडीया न्युज नेटवर्क) तालुक्यातील मौजे जवळगाव येथे राष्ट्रभक्तीचे दर्शन घडले. गावकर्‍यांनी एकत्रित येत देशसेवेसाठी आपले आयुष्य समर्पित करणार्‍या आजी - माजी सैनिकांचा भव्य सन्मान सोहळा आयोजित केला होता. निमित्त होते. भारताच्या 74 व्या प्रजासत्ताक दिनाचे, या प्रसंगी जवळगाव येथील श्री.हनुमान विद्यालय व जिल्हा परिषद प्राथमिक शाळेच्या विद्यार्थ्यांना या सन्मान सोहळ्याने नवी प्रेरणा मिळाली.  तालुक्यातील मौजे जवळगाव येथे गावकर्‍यांनी एकत्रित येत मोठ्या उत्साहात देशसेवेसाठी आपले आयुष्य समर्पित करणार्‍या आजी - माजी सैनिकांचा शाल, श्रीफळ आणि पुष्पगुच्छ देवून आणि फेटा बांधून हृद्य असा सत्कार केला. या कार्यक्रमास मौजे जवळगाव येथील नागरिक, युवक आणि महिला, भगिनी यांची मोठ्या संख्येने उपस्थिती होती. जवळगाव येथील श्री.हनुमान विद्यालयाच्या मुख्याध्यापिका शैलजाताई देशमुख आणि त्यांचे सर्व शिक्षक, कर्मचारी वृंद आणि विद्यार्थी तसेच जिल्हा परिषद प्राथमिक शाळेचे मुख्याध्यापक आणि त्यांच...

समाजाने 'शेतकरी नवरा नको' ही मानसिकता बदलावी - आमदार प्रकाशदादा सोळंके ========================= अंबाजोगाई (लोकनायक डिजिटल मिडीया न्युज नेटवर्क)  मोबाईल व सोशल मिडीयाच्या जमान्यात आधुनिक जीवनशैलीचा अवलंब करून एकीकडे आजची तरूण पिढी खूप पुढे गेली आहे, असे असले तरी दुसरीकडे माञ या सुविधांचा दुरूपयोग होत आहे, यामुळे समाजरचनेलाच तडे जात आहेत. म्हणून सभोवतालच्या परस्थितीकडे डोळसपणे पहा, आज ग्रामीण भागातील गावागावात उच्च शिक्षित, शेती करणारे कर्तबगार विवाहयोग्य तरूण मुले मोठ्या प्रमाणावर आढळून येत आहेत. मुलींना सरकारी नोकरदार नवरा आणि मुलीच्या पालकांना ही नोकरदार जावाई हवा आहे, आज सर्वांनाच सरकारी नौकरी कशी मिळेल, अशा मानसिकतेचा व प्रवृत्तीचा परीणाम मराठा समाजातील विवाह संस्थेवर होत आहे. त्यामुळे आता आपल्या मुलीस 'शेतकरी नवरा नको' ही मानसिकता मराठा समाजातील उपवर मुलींच्या पालकांनी बदलावी, याकरीता राजकीय व सामाजिक नेतृत्वाने एकञ येवून ग्रामीण भागाची परस्थिती बदलावी, परिवर्तन घडवून आणण्यासाठी पुढाकार घेणे काळाची गरज आहे, शेतीला वैभव मिळवून देणे यासाठी शेतीत नवतंञज्ञानाचा वापर कर...

तर स्मृती पत्रकारिता पुरस्कारासाठी जगदीश शिंदे, नृसिंह सूर्यवंशी व प्रा.बिभीषण चाटे यांची निवड ======================== अंबाजोगाई (लोकनायक डिजिटल मिडीया न्युज नेटवर्क) मराठी पत्रकार परिषद शाखा अंबाजोगाईच्या वतीने दर्पण दिन व मूकनायक दिनानिमित्त देण्यात येणाऱ्या स्व.नंदकुमार पांचाळ स्मृती पत्रकारिता पुरस्कारासाठी नृसिंह सूर्यवंशी, स्व.मुश्ताक हुसेन स्मृती पत्रकारिता पुरस्कारासाठी जगदीश शिंदे, स्व.दत्ताआबा शिंदे आपेगावकर यांच्या स्मृतीनिमित्त घोषित करण्यात आलेल्या पुरस्कारासाठी प्रा.बिभीषण चाटे यांची निवड करण्यात आली असुन 4 फेब्रुवारी 2023 रोजी महाराष्ट्र शासनाच्या गडकिल्ले संवर्धन समितीचे सदस्य व व्याख्याते संकेत कुलकर्णी, मराठी पत्रकार परिषदेचे मुख्य विश्वस्त एस.एम.देशमुख यांच्यासह अनेक मान्यवरांच्या उपस्थिती मध्ये संपन्न होणाऱ्या या सोहळ्यात जेष्ठ पत्रकार तथा अंबाजोगाईचे भूमीपुत्र जगदीश पिंगळे यांना जीवनगौरव पुरस्काराने सन्मानित करण्यात येणार आहे. मराठी पत्रकार परिषदेचे मुख्य विश्वस्त एस.एम.देशमुख, राज्य प्रसिद्धीप्रमुख अनिल महाजन, बीड जिल्हाध्यक्ष सुभाष चौरे, जिल्हा कार्याध्यक्ष दत्त...

विद्यार्थी बैठक क्षमतेचा प्रश्न मार्गी लागणार ======================== अंबाजोगाई (लोकनायक डिजिटल मिडीया न्युज नेटवर्क) ग्रामीण रुग्णांची जीवनवाहिनी असलेल्या प्रख्यात स्वामी रामानंद तीर्थ रूग्णालय आणि वैद्यकीय महाविद्यालयातील विविध विकास कामांसाठी केंद्र सरकारच्या आरोग्य विभागाने तब्बल ६० कोटी रूपयांचा निधी मंजूर केला आहे. या निधीतून विद्यार्थ्यांसाठी तासिका, परिक्षा कक्ष आणि रूग्णालयासाठी यंत्रसामुग्रीची तरतूद करण्यात येणार आहे. बीडच्या खा.डाॅ.प्रीतमताई मुंडे आणि केज विधानसभ मतदारसंघाच्या आ.नमिताताई मुंदडा यांनी ‘स्वाराती’च्या विकासासाठी निधी मिळविण्याच्या हेतूने केंद्र सरकारकडे पाठपुरावा सुरू ठेवला होता.  स्वाराती रूग्णालयवर बीडसह आजूबाजूच्या जिल्ह्यातून येणाऱ्या रूग्णांचा ओढा आहे. अत्यल्प दरात तज्ज्ञ डॉक्टरांमार्फत उच्च दर्जाचे उपचार मिळत असल्याने हे रुग्णालय गोरगरीब रूग्णांची जीवनवाहिनी आहे. दरम्यान, स्वाराती वैद्यकीय महाविद्यालयासाठी मागील काही काळात एमबीबीएस जागा मोठ्या प्रमाणात वाढल्या. विद्यार्थी संख्या वाढल्याने सद्य स्थितीतील तासिका कक्ष आणि परिक्षा कक्ष अपुरे पडत होते. त्...

सेवागौरव सोहळ्यास मान्यवरांची प्रमुख उपस्थिती ======================= अंबाजोगाई (लोकनायक डिजिटल मिडीया न्युज नेटवर्क) (प्रतिनिधी)  येथील श्री.खोलेश्वर माध्यमिक विद्यालयाचे सन्माननीय मुख्याध्यापक श्री.निवृत्ती दराडे हे प्रदीर्घ सेवेनंतर मंगळवारी सेवानिवृत्त होत आहेत. त्यांच्या या शैक्षणिक क्षेत्रातील सेवेचा यथोचित गौरव मंगळवार, दि.३१ जानेवारी रोजी सायं.४.३० वाजता श्री.खोलेश्वर माध्यमिक विद्यालयामध्ये होणार आहे. विद्यार्थीप्रिय तसेच अत्यंत तळमळीने हजारो विद्यार्थी घडवणारे, गणित व इंग्रजी या अवघड वाटणाऱ्या विषयांना अत्यंत सहजतेने विद्यार्थ्यांच्या गळी उतरवणारे हाडाचे शिक्षक असणारे श्री.खोलेश्वर माध्यमिक विद्यालयाचे मुख्याध्यापक निवृत्तीराव दराडे सर हे शासकीय नियत वयोमानानुसार मंगळवारी सेवानिवृत्त होत आहेत. त्यांच्या सेवेचा यथोचित गौरव  होणार आहे. या सेवागौरव सोहळ्यासाठी भारतीय शिक्षण प्रसारक संस्थेचे सन्माननीय पदाधिकारी तथा स्थानिक समन्वय समितीचे पदाधिकारी शालेय समितीचे पदाधिकारी, सामाजातील प्रतिष्ठीत नागरिक, कार्यकर्ते, सर्व शिक्षक बंधू, भगिनी, शिक्षकेतर कर्मचारी, माजी विद्यार्थ...

मराठवाडा शिक्षक - मतदारसंघात आमदारकीची माळ कुणाच्या गळ्यात पडणार याकडे मतदारांच्या नजरा..! ======================= बीड (लोकनायक डिजिटल मिडीया न्युज नेटवर्क) उद्या सोमवार, दिनांक ३० जानेवारी २०२३ रोजी मराठवाडा शिक्षक - मतदारसंघासाठी मतदान होत असून बीड जिल्ह्यामध्ये मतदान करण्यासाठी ३४ मतदान केंद्र प्रशासनाने तयार केले असून यावर ९ हजार ७०३ शिक्षक हे मतदानाचा हक्क बजावणार आहेत.  या मतदान प्रक्रियेसाठी जिल्हा प्रशासनाने पुर्ण तयारी केली असून कालच या मतदान केंद्रावर रवाना होण्यासाठी प्रशासनाच्या वतीने कर्मचार्यांना बॅलेट पेपरचे वाटप करण्यात आलेले आहे. शिक्षक मतदारसंघासाठी हे मतदान बॅलेट पेपरवर शिक्षकांनी पसंती क्रमांक देऊन आपल्या मतदानाचा हक्क बजवावयाचा आहे. मतदान केंद्रप्रमुख ४९ मतदान केंद्र अध्यक्ष ४९, मतदान अधिकारी ४९ अशा पद्धतीने कर्मचार्यांची नियुक्ती उपनिवडणूक मतदान अधिकारी संतोष राऊत यांनी केलेली आहे. सोमवारी सकाळी हे मतदान ८ वाजल्यापासून सुरू होणार आहे. या मतदान प्रक्रियेवर मतदारसंघाचे निवडणूक निर्णय अधिकारी तथा विभागीय आयुक्त सुनील केंद्रेकर, बीड जिल्ह्याचे सहायक निवडणूक मतदान ...

बोगस विद्यार्थी पटसंख्या रोखणे आणि गैरप्रकारांना आळा घालण्यासाठी राज्य सरकार प्रयत्नशील ======================= मुंबई (लोकनायक डिजिटल मिडीया न्युज नेटवर्क)  बोगस विद्यार्थी पटसंख्या रोखण्यासाठी आणि गैरप्रकारांना आळा घालण्यासाठी राज्य सरकारने यापुढे शाळेत प्रवेश घेताना विद्यार्थ्यांसह पालकांनाही आधार कार्ड जोडणे सक्तीचे करण्याचा महत्त्वाचा निर्णय घेतला आहे. यामुळे यापुढे शाळेत प्रवेश घेताना आता विद्यार्थ्यांसोबत पालकांचे आधारकार्ड सुद्धा सबमिट करणे सक्तीचे असून पालकांचे आधारकार्ड विद्यार्थ्यांसोबत लिंक केले जाणार आहे. बीड जिल्ह्यातील बोगस पटसंख्येच्या प्रकारानंतर राज्य सरकारने निवृत्त न्यायमूर्ती पी.व्ही.हरदास यांच्या अध्यक्षतेखाली समिती गठीत केली होती. या समितीचा अहवाल स्वीकारून राज्य सरकारने शाळांसाठी नव्या मार्गदर्शक सूचना जारी केल्या आहेत. बनावट पटसंख्या दाखवत अनेक शाळा कोट्यावधी रूपयांचे सरकारी अनुदान लाटत असल्याचा प्रकार उघडकीस आल्यावर आता यापुढे शाळेत प्रवेश घेताना विद्यार्थ्यांसह पालकांना ही आधार कार्ड जोडणे सक्तीचे करण्यात आले आहे. =======================

आग्रहाचे आमंत्रण 🚩🙏 राष्ट्रसंत भगवान बाबांच्या पुण्यतीथीनिम्मित महाराष्ट्राचे लोकप्रिय समाज प्रबोधनकार ह.भ.प निवृत्ती महाराज देशमुख इंदोरीकर यांच्या किर्तनाचे आयोजन करण्यात आले आहे. वार :- शुक्रवार दिनांक :- 03 फेब्रुवारी 2023 वेळ सायंकाळी 5 ते 7 वाजता (कीर्तन दिलेल्या वेळेत सुरू होणार आहे.) ठिकाण :- एकुरका, टॉवर जवळ माळेवाडी रोड, तालुका केज,जिल्हा बीड. जास्तीत जास्त संख्येने उपस्थित रहावे - आयोजक सुमंत धस यांचे आवाहन  =======================

(प्रतिकात्मक चिञ) बदलत्या वातावरणामुळे रब्बी पिकांवर रोगराई पसरण्याची भीती ======================== पुणे (लोकनायक डिजिटल मिडीया न्युज नेटवर्क) महाराष्ट्र राज्यात मागच्या दोन दिवसांपासून थंडीचे प्रमाण काहीसे कमी झाले आहे. ढगाळ हवामानामुळे किमान तापमानात वाढ झाल्याने थंडीचा जोर कमी झाला आहे. तसेच उत्तर महाराष्ट्रात तुरळक ठिकाणी पाऊस पडला आहे. आज मध्य महाराष्ट्र आणि मराठवाड्यात विजा, मेघगर्जनेसह पाऊस पडणार असल्याची शक्यता तसेच किमान तापमानातील वाढ कायम राहणार असल्याचा अंदाज हवामान विभागाने वर्तवला आहे. गुरूवारी सायंकाळनंतर अहमदनगर आणि औरंगाबाद या दोन जिल्ह्यात तुरळक ठिकाणी पावसाने हजेरी लावली तर शुक्रवारी उत्तर महाराष्ट्रातील निफाड येथील गहू संशोधन केंद्र येथे राज्यातील नीचांकी 11 अंश सेल्सिअस तापमानाची नोंद झाली आहे. पावसामुळे शेतीचे मोठ्या प्रमाणात नुकसान राज्यात औरंगाबाद, अहमदनगर, कोल्हापूर, नाशिक, नांदेड, पुणे या जिल्ह्यात हलक्या ते जोरदार सरी कोसळल्यामुळे त्याचा रब्बी पिकांवर परिणाम होण्याची शक्यता आहे. भुसावळ तालुक्यासह परिसरात मोठ्या प्रमाणात धुके पसरले आहे. या बदलत्या वातावरणा...

३१ जानेवारीला मान्यवरांच्या हस्ते पुरस्काराचे वितरण अंबाजोगाई तालुका पत्रकार संघाचे आयोजन ; शैक्षणिक, सामाजिक, सांस्कृतिक क्षेत्रातील मान्यवरांचा होणार गौरव ======================== अंबाजोगाई (लोकनायक डिजिटल मिडीया न्युज नेटवर्क) अंबाजोगाई तालुका पत्रकार संघाच्या वतीने देण्यात येणारा राज्यस्तरीय 'मूकनायक' पुरस्कार यंदा 'न्यूज - स्टेट, महाराष्ट्र - गोवा' चे विलास आठवले (मुंबई) यांना जाहीर झाला असून दि. ३१ जानेवारी मंगळवार २०२३ रोजी मान्यवरांच्या उपस्थितीत हा पुरस्कार प्रदान करण्यात येणार आहे. त्यासोबतच शैक्षणिक, सामाजिक क्षेत्रातील मान्यवरांचा गौरव सोहळा देखील याच दिवशी होणार असल्याची माहिती अंबाजोगाई तालुका पत्रकार संघाच्या वतीने देण्यात आलेल्या प्रसिद्धी पत्रकाद्वारे दिली आहे. भारतीय राज्यघटनेचे शिल्पकार डॉ.बाबासाहेब आंबेडकर यांचे भारतीय वृत्तपत्र सृष्टीत अगणित योगदान आहे. त्यांच्या प्रखर व तेजस्वी लेखणीने भारतीय लोकशाही अधिक मजबूत झाली. अशा महामानवाने 'मूकनायक' हे वृत्तपत्र ३१ जानेवारी १९२० रोजी उपेक्षित, शोषित, पिडीतांसाठी समर्पित केले. त्या निमित्ताने अंबाजो...

  भरड धान्याचा आहारामध्ये समावेश करावा - समृद्धी दिवाणे  ======================== (लोकनायक डिजिटल मिडीया न्युज नेटवर्क)  आंतरराष्ट्रीय भरडधान्य वर्षानिमित्त दीनदयाल शोध संस्थान कृषि विज्ञान केंद्र डिघोळआंबा येथे ‘महिला शेतकरी मेळावा’ आणि भरडधान्य आधारित पोषण आहार स्पर्धा संपन्न झाली. कृषि विज्ञान केंद्र डिघोळआंबा येथील महिला शेतकरी मेळाव्यास उत्स्फूर्त प्रतिसाद मिळाला. याप्रसंगी मंचावर डॉ.उपेंद्र कुलकर्णी (प्रकल्प प्रमुख, दीनदयाल शोध संस्थान बीड), समृद्धी दिवाणे - काळे (गटविकास अधिकारी, अंबाजोगाई), संध्याताई कुलकर्णी (सामाजिक कार्यकर्त्या, औरंगाबाद), गोविंद ठाकूर (मंडळ कृषी अधिकारी, अंबाजोगाई), वैशाली देशमुख (शास्त्रज्ञ गृहविज्ञान, कृषी विज्ञान केंद्र, गांधेली औरंगाबाद), नभाताई वालवडकर (सामाजिक कार्यकर्त्या, अंबाजोगाई) व डॉ. वसंत देशमुख (वरिष्ठ शास्त्रज्ञ व प्रमुख, कृषि विज्ञान केंद्र, अंबाजोगाई) हे मान्यवर उपस्थित होते.  डॉ.उपेंद्र कुलकर्णी म्हणाले की, मेळाव्यामध्ये सांगितलेल्या तंत्रज्ञानाची व विविध योजनांची महिला शेतकऱ्यांनी लाभ घेवून स्वावलंबी होण्याची गरज आहे. ब...

भारतीय शिक्षण प्रसारक संस्थेच्या खोलेश्वर जीनियस सीबीएसई स्कूल,अंबाजोगाईचे स्नेहसंमेलन ======================== अंबाजोगाई (लोकनायक डिजिटल मिडीया न्युज नेटवर्क) खोलेश्वर जीनियस सीबीएसई स्कूल मध्ये वार्षिक स्नेहसंमेनाचे  आयोजन करण्यात आले होते. सकाळच्या  सत्रामध्ये बक्षीस वितरणाचा कार्यक्रम घेण्यात आला. या कार्यक्रमाचे प्रमुख पाहुणे म्हणून डॉ. प्रसाद कुलकर्णी व डॉ. अपर्णा कुलकर्णी यांची उपस्थिती लाभली. या कार्यक्रमाच्या अध्यक्षस्थानी श्री .खोलेश्वर शैक्षणिक संकूल चे अध्यक्ष विजयजी वालवडकर होते. तसेच खोलेश्वर शैक्षणिक संकुलाचे कार्यवाह बिपीनजी क्षीरसागर, खोलेश्वर जिनियस सी.बी.एस.ई स्कूलचे अध्यक्ष अॅड.मकरंद पत्की, कार्यवाह किरण कोदरकर, उपाध्यक्ष गोपाळरव चौसाळकर, अर्थ समिती अध्यक्ष धर्मराज बिरगड, खोलेश्वर महाविद्यालय शालेय समिती सदस्य भिमसिंग शिंदे व शाळेच्या  मुख्याध्यापिका प्रतिभा शिंदे यांची उपस्थिती होती. डॉ.प्रसाद कुलकर्णी यांनी आपल्या भाषणात सांगितले की, माझा भरभक्कम पाया हा याच शाळेने घडविला आहे. हा आदर्श विद्यार्थ्यांसमोर ठेवला व डाॅ.अपर्णा कुलकर्णी विद्यार्थी संस्कारक...

कृषि महाविद्यालयात संशोधन संवाद कार्यक्रमाचे आयोजन  ======================= लातूर (विशेष प्रतिनिधी - लोकनायक डिजिटल मिडीया न्युज नेटवर्क)  कृषि महाविद्यालयात उद्यानविद्या विभागाअंतर्गत पदव्युत्तर विद्यार्थ्यांच्या संशोधनाबाबत संवाद कार्यक्रमाचे आयोजन करण्यात आले होते. कार्यक्रमाच्या अध्यक्षस्थानी कृषि महाविद्यालयाचे सहयोगी अधिष्ठाता व प्राचार्य डॉ.बाबासाहेब ठोंबरे, तर मार्गदर्शक म्हणुन ज्येष्ठ पत्रकार प्रदीप नणंदकर तसेच प्रा.गोविंद घार, डॉ.चंद्रशेखर दैवज्ञ, गुंडेराव साबळे, गोकुळ पाटील, शिवाजी गिरी, गोरख गालफाडे, हनुमंत ममदे, योगीराज पिसाळ, डॉ.विश्वनाथ कांबळे, डॉ.दिनेशसिंह चौहान, डॉ.प्रशांत करंजीकर, प्रा.अरूण गुट्टे, डॉ.पद्माकर वाडीकर यांची प्रमुख उपस्थिती होती. मार्गदर्शनपर भाषणात प्रदीप नणंदकर म्हणाले की, कृषि शास्त्रज्ञांनी पारंपारिक भाजीपाला व फळ उत्पादनाबरोबरच नवं तंत्रज्ञानाचे संशोधन आत्मसात करून गुणवत्ता वृद्धी करावी. डॉ.बाबासाहेब ठोंबरे यांनी अध्यक्षीय समारोपात पदव्युत्तर संशोधक विद्यार्थ्यांना फळांची साठवण, चव, गंध, आकारमान व चमक यात सुधारणा होण्याबाबत संशोधन करण्याच्य...

लातूर येथील कृषि महाविद्यालयात सहयोगी अधिष्ठाता व प्राचार्य डॉ.बाबासाहेब ठोंबरे यांच्या हस्ते ध्वजारोहण ======================= लातूर (लोकनायक डिजिटल मिडीया न्युज नेटवर्क) भारतीय प्रजासत्ताक दिनानिमित्त  लातूर येथील कृषि महाविद्यालयात  सहयोगी अधिष्ठाता व प्राचार्य डॉ.बाबासाहेब ठोंबरे यांच्या हस्ते ध्वजारोहण करण्यात आले. प्रारंभी संविधान उद्देशिकेचे वाचन करण्यात आले. ध्वजारोहणास प्राध्यापक, अधिकारी, कर्मचारी, मजुर, विद्यार्थिनी, विद्यार्थी हजर होते.

अंबाजोगाई क्रिडा संकुल येथे स्पर्धेचे उद्घाटन ; 5 फेब्रुवारी रोजी अंतिम सामना ======================== अंबाजोगाई (लोकनायक डिजिटल मिडीया न्युज नेटवर्क) अंबाजोगाई मेडीकल प्रॅक्टिशनर्स असोसिएशनच्या अध्यक्षपदाची जबाबदारी स्वीकारल्या पासून डाॅ.राहूल धाकडे यांनी नाविन्यपूर्ण संकल्पना प्रत्यक्षात साकारण्याचा सपाटा लावला आहे. अंबाजोगाईसह बहूदा मराठवाड्यात प्रथमच आयपीएलच्या धर्तीवर एॅम्पा क्रिकेट कप स्पर्धेचे आयोजन करण्यात आले आहे. मंगळवारी या स्पर्धेचे अंबाजोगाई क्रिडा संकुल येथे शानदार उद्घाटन करण्यात आले. अंबाजोगाईकर प्रथमच आयपीएल क्रिकेट स्पर्धेचा थरार अनुभवत आहेत, या स्पर्धेचा अंतिम सामना 5 फेब्रुवारी रोजी होणार असल्याची माहिती स्पर्धेचे आयोजक अंबाजोगाई मेडीकल प्रॅक्टिशनर्स असोसिएशनच्या वतीने देण्यात आली आहे. याबाबत अधिक माहिती अशी की, येथील अंबाजोगाई मेडीकल प्रॅक्टिशनर्स असोसिएशन कडून डॉक्टरांच्या एॅम्पा क्रिकेट कप स्पर्धा - 2023 चे आयोजन अंबाजोगाईत करण्यात आले असून स्पर्धेचे उद्घाटन क्रिडा अधिकारी दत्ता देवकते यांच्या हस्ते व मान्यवरांच्या प्रमुख उपस्थितीत संपन्न झाले. यावेळी अंबाजोगाई म...

शहराध्यक्ष प्रताप देवकर यांच्या निवडीचे सर्वस्तरांतून स्वागत व अभिनंदन..! ======================= अंबाजोगाई (लोकनायक डिजिटल मिडीया न्युज नेटवर्क)  "मी वडार महाराष्ट्र" या संघटनेची बीड येथे नुकतीच बैठक आयोजित करण्यात आली होती. ही बैठक "मी वडार महाराष्ट्राचा संघटने"चे संस्थापक अध्यक्ष विजयदादा चौगुले साहेब यांच्या आदेशानुसार जिल्हाध्यक्ष सुनिल गायकवाड यांच्यासह सर्व प्रमुख पदाधिकाऱ्यांच्या उपस्थितीत घेण्यात आली. प्रताप देवकर यांच्या निवडीचे वडार समाज, मिञ परीवार आणि सर्वस्तरांतून स्वागत होत आहे. यावेळी बीड जिल्ह्यातील अनेक तालुक्यातून वडार समाजातील प्रतिष्ठित नागरिक, मान्यवर तसेच जिल्हा आणि तालुका पातळीवर वेगवेगळ्या जबाबदाऱ्या घेऊन कार्य करणारे पदाधिकारी उपस्थित होते. यावेळेस नुतन पदाधिकाऱ्यांच्या निवडी जाहीर करण्यात आल्या, त्यात अंबाजोगाई शहराध्यक्ष म्हणून प्रताप देवकर यांची निवड "मी वडार महाराष्ट्राचा या संघटने"चे बीड जिल्हाध्यक्ष मा.सुनिल गायकवाड (बीड) यांच्या प्रमुख उपस्थितीत करण्यात आली. प्रताप देवकर यांना घरातूनच वडील गुलाबराव देवकर यांच्याकडून समाजकार...

समृद्ध वाचनाने लेखनात प्रगल्भता येते - डॉ.अर्चना कुडतरकर ======================= अंबाजोगाई ( लोकनायक मिडीया डिजिटल न्युज नेटवर्क)  ज्याप्रमाणे एखाद्या भाषेची समृद्धता ही त्या भाषेमध्ये असलेल्या साहित्यावरून ठरते, त्याचप्रमाणे एखाद्या लेखकाची लेखन समृद्धता ही त्याने केलेल्या वाचनावरून ठरते,त्यामुळे समृद्ध वाचन हेच लेखनात प्रगल्भता आणते, त्यामुळे लेखन कौशल्य विकसित करण्यासाठी वाचन हे अत्यंत आवश्यक असल्याचे प्रतिपादन शिक्षण विवेकच्या कार्यकारी संपादक डॉ.अर्चना कुडतरकर यांनी केले. येथील श्री.खोलेश्वर शैक्षणिक संकुलाच्या वतीने आयोजित लेखन कौशल्य विकसन कार्यशाळेत त्या बोलत होत्या.पुढे त्या म्हणाल्या की, 'वाचनाबरोबरच प्रत्यक्ष सामाजिक अनुभव सुद्धा लेखनामध्ये तेवढेच महत्त्वाचे असतात. प्रासंगिक लेख, कथा, कादंबऱ्या लेखकांची वेगवेगळी लेखन शैली व्यक्ती परत्वे बदलते. शिक्षकी पेशामध्ये तर लेखन कौशल्य विकसित असणे अत्यंत महत्त्वाचे आहे, कारण समाजातील एक सुज्ञ घटक म्हणून शिक्षकाकडे पाहिले जाते. आपल्या समोरील पिढी घडवत असताना ही पिढी लेखन समृद्ध बनविण्याचे कार्य दररोज शिक्षकांच्या हातून घडले पाहिजे,...

महाराष्ट्र नवनिर्माण शेतकरी सेनेचे बीड जिल्हाध्यक्ष अमोल चव्हाण यांची अंबाजोगाईत पञकार परिषद ======================= अंबाजोगाई (लोकनायक डिजिटल न्युज नेटवर्क) महाराष्ट्र नवनिर्माण शेतकरी सेनेच्या बैठकीत कार्यकर्त्यांनी केलेल्या आग्रहास्तव आपण बर्दापूर जिल्हा परिषद सर्कल मधून निवडणूक लढविणार आहोत असे जाहीर केले आहे. तसेच सर्वांना सोबत घेवून नांदगावसह संपूर्ण बर्दापूर जिल्हा परिषद सर्कलच्या सर्वांगीण विकासाकरीता आपण कटिबद्ध आहोत अशी माहिती महाराष्ट्र नवनिर्माण शेतकरी सेनेचे बीड जिल्हाध्यक्ष तथा नांदगाव ग्रामपंचायतीचे नवनिर्वाचित उपसरपंच अमोल चव्हाण यांनी अंबाजोगाईत आयोजित पञपरिषदेतून दिली. अंबाजोगाईतील हाॅटेल कृष्णाईच्या हाॅल मध्ये सोमवार, दिनांक 23 जानेवारी रोजी महाराष्ट्र नवनिर्माण शेतकरी सेनेचे बीड जिल्हाध्यक्ष तथा नांदगाव ग्रामपंचायतीचे नवनिर्वाचित उपसरपंच अमोल चव्हाण यांच्या पञकार परिषदेचे आयोजन करण्यात आले होते. यावेळेस पञकारांशी संवाद साधताना अमोल चव्हाण म्हणाले की, माझी महाराष्ट्र नवनिर्माण सेनेचे संस्थापक अध्यक्ष राजसाहेब ठाकरे साहेबांच्या हस्ते आणि प्रमुख उपस्थिती मध्ये नियुक्ती...

महामेळाव्यास मराठा समाज बांधवांनी मोठ्या संख्येने उपस्थित रहावे  - संयोजक भरत काका पतंगे यांचे आवाहन ======================== अंबाजोगाई (रणजित डांगे- लोकनायक डिजिटल मिडीया न्युज नेटवर्क) मराठा समाजातील वधु-वर पालक परिचय महामेळाव्याचे आयोजन रविवार, दिनांक 29 जानेवारी 2023 रोजी सकाळी 9 वाजता लोकनेते विलासराव देशमुख सभागृह, नगरपरिषद ऑफिस काॅम्लेक्स, परळी रोड, अंबाजोगाई (जि.बीड) या ठिकाणी करण्यात आले आहे. या महामेळाव्याचे उदघाटन अंबाजोगाई पीपल्स को - ऑपरेटिव्ह बँकेचे चेअरमन राजकिशोर मोदी यांच्या हस्ते होईल तर या महामेळाव्याच्या अध्यक्षस्थानी माजलगाव विधानसभा मतदारसंघाचे आमदार प्रकाशदादा सोळंके यांच्यासह विविध क्षेत्रातील मान्यवर उपस्थित राहणार आहेत. तरी या महामेळाव्यास मराठा समाजातील इच्छुक वधू - वर व त्यांच्या पालकांनी तसेच मराठा समाज बांधवांनी मोठ्या संख्येने उपस्थित रहावे असे आवाहन संयोजक भरत पतंगे यांनी केले आहे. अंबाजोगाईतील छत्रपती राजर्षी शाहू महाराज सेवाभावी संस्था, संचलित रेशिमगाठी मराठा वधु - वर सुचक केंद्रामार्फत रविवार, दिनांक 29 जानेवारी 2023 रोजी सकाळी 9 वाजता लोकनेते विल...

मकरसंक्रांत सणाचे औचित्य साधून महिलांसाठी हळदी - कुंकवाचा व तिळगुळ वाटप कार्यक्रमाचे आयोजन  ====================== अंबाजोगाई (लोकनायक डिजिटल मिडीया न्युज नेटवर्क)  येथील जय जवान आजी - माजी सैनिक संस्थेमध्ये मकरसंक्रांत सणाचे औचित्य साधून महिलांसाठी हळदी - कुंकवाचा व तिळगुळ वाटप कार्यक्रम आयोजित करण्यात आला होता. या कार्यक्रमातून भारतीय संस्कृतीचे संवर्धन व जोपासना करण्यात आली. एकिकडे भारतीय संस्कृती मध्ये सणासुदीला खूप महत्त्व आहे. असे असताना ही दुसरीकडे माञ सध्याच्या धावपळीच्या काळात दिवसेंदिवस भारतीय सण-उत्सव साजरे करण्याकडे नव्या पिढीचा कल दिसून येत नाही, आपले पारंपरिक सण-उत्सव साजरे करण्याचे प्रमाण कमी होतेय की काय..? अशी परस्थिती निर्माण होत चालली असताना येथील जय जवान आजी - माजी सैनिक संस्थेमध्ये मकरसंक्रांत सणाचे औचित्य साधून महिलांसाठी हळदी - कुंकवाचा व तिळगुळ वाटपाचा कार्यक्रम आयोजित करण्यात आला होता. संस्थेने भारतीय संस्कृतीतील लुप्त होत चाललेल्या अशा परंपरा, सण, उत्सव जोपासण्याचे काम हाती घेतलेले आहे. मकरसंक्रांत हा सण सुवासिनी महिला, भगिनी दरवर्षीच मोठ्या आनंदाने व ...

मुंबई येथे रविवार, दिनांक 29 जानेवारी 2023 रोजी आझाद मैदान, मुंबई येथे सकाळी 11 वाजता राज्यव्यापी लिंगायत महामोर्चाचे आयोजन ======================== अंबाजोगाई (लोकनायक डिजिटल मिडीया न्युज नेटवर्क)  "आम्ही लिंगायत,आमचा धर्म लिंगायत" हे ब्रीद घेऊन आणि "एक लिंगायत लाख लिंगायत" हा नारा देवून रविवार, दिनांक 29 जानेवारी 2023 रोजी आझाद मैदान, मुंबई येथे सकाळी 11 वाजता राज्यव्यापी लिंगायत महामोर्चा चे आयोजन करण्यात आले आहे. या महामोर्चात मराठवाड्यातून लाखोंच्या संख्येने सहभागी व्हावी असे आवाहन बसव ब्रिगेडचे विभागीय अध्यक्ष विनोद पोखरकर यांनी केले आहे. बसव ब्रिगेडच्या वतीने करण्यात आलेल्या आवाहनानुसार रविवार, दिनांक 29 जानेवारी 2023 रोजी सकाळी 11 वाजता मुंबई येथील आझाद मैदानावर राज्यव्यापी लिंगायत महामोर्चाचे आयोजन करण्यात आले आहे. या महामोर्चात बसव ब्रिगेड संस्थापक अध्यक्ष अविनाश भाऊ भोसीकर यांच्या नेतृत्वाखाली सहभागी होणार आहे. या महामोर्चात लिंगायत धर्माला संविधानिक मान्यता द्या, राज्यातील लिंगायत धर्मियांना, धार्मिक अल्पसंख्यांक दर्जा जाहीर करा, लिंगायत युवकांच्या विकासा...

आज 21 जानेवारी 2023 रोजी पहिले मृदगंध साहित्य संमेलन घाटनांदूर येथे होत आहे. या संमेलनाचे अध्यक्ष साहित्यिक, पत्रकार व कार्यकर्ते अमर (काका) हबीब यांचे हे भाषण. हे भाषण इतर अध्यक्षीय भाषणासारखे नाही. यात काही नव्या व गंभीर मुद्द्यांवर प्रकाश टाकला आहे. ------------------------------------ पहिले मृदगंध ग्रामीण साहित्य संमेलन, घाटनांदूर २१ आणि २२ जानेवारी २०२३ अध्यक्षीय भाषण  इडा पीडा टळो-बळीचे राज्य येवो- संमेलनाध्यक्ष  अमर हबीब भावांनो आणि बहिणींनो, आज आपण घटनांदूर येथे जमलो आहोत. शिक्षण पंढरी मानल्या गेलेल्या सोमेश्वर विद्यालयाच्या परिसरात आहोत. परिसरातून शेतकरी आले आहेत, त्यांची मुलं म्हणजे किसानपुत्र ही आले आहेत. ग्रामीण भागात शिक्षणाची परंपरा अलीकडची आहे. त्यातही साहित्य कला क्षेत्रात रामणाऱयांची संख्या बोटावर मोजण्या एवढी पण या मुलांचे कौतुक करण्याची मोठी दानत आपल्यात आहे. त्यासाठी आपण येथे जमलो आहोत. ही मुलं काय लिहिता आहेत. आपल्या जीवनाशी त्याचा काही संबंध आहे का ? हे पाहण्यासाठीही आपण जमलो आहोत. ही साहित्य जत्रा नाही.  हे साहित्य संमेलन आहे. आपल्या परिसरातील प्रति...