लोकनायक मिडिया

अध्यापनात प्रामाणिकपणा व सचोटी महत्वाची - डॉ.बाबासाहेब ठोंबरे डॉ.विश्वनाथ कांबळे यांना कृषि महाविद्यालय तर्फे सेवापूर्ती निमित्त निरोप  ================================ लातूर (लोकनायक मिडिया न्युज नेटवर्क)  कृषि महाविद्यालय, लातूर येथील कृषि विस्तार विभागाचे प्राध्यापक डॉ.विश्वनाथ कांबळे हे आपल्या ३१ वर्षांच्या प्रदीर्घ सेवेनंतर नियत वयोमानानुसार वसंतराव नाईक मराठवाडा कृषि विद्यापीठ सेवेतून सेवानिवृत्त झाले. कृषि महाविद्यालयाच्या वतीने त्यांना सेवापूर्ती निमित्त निरोप देण्यात आला. या प्रसंगी आयोजित कार्यक्रमाचे अध्यक्ष तथा कृषि महाविद्यालयाचे सहयोगी अधिष्ठाता व प्राचार्य डॉ.बाबासाहेब ठोंबरे यांनी डॉ.विश्वनाथ कांबळे यांचा अध्यापनात प्रामाणिकपणा व सचोटी महत्वाची या गुणांचा उल्लेख करत यापुढेही त्यांनी आवश्यकतेप्रमाणे कृषि विस्तार कार्यात योगदान देण्याचे आवाहन केले. कार्यक्रमास उपस्थित प्रमुख अतिथी डॉ.सोमनाथ रोडे यांनी देशाच्या सकल उत्पादनात कृषिचा वाटा घटत असल्याने निवृत्तीनंतर ही डॉ.कांबळे यांच्यासारख्या अनुभवी तज्ज्ञांनी कृषिच्या विकासात व पर्यायाने देशाच्या विकासात हातभार ला...

ह्रदयस्पर्शी : आमची निष्ठा मुंदडा परिवाराशीच म्हणत अक्षय भुमकर यांनी स्वतःच्या रक्ताने काढले पोर्ट्रेट..! नेतृत्वावर विश्वास आणि निष्ठेचा आदर्श घालून दिला ================================== अंबाजोगाई (लोकनायक मिडिया न्युज नेटवर्क) जनसेवेच्या माध्यमातून सामाजिक बांधिलकी जोपासणाऱ्या कार्यकर्त्यांमुळेच नेतृत्वाची उंची लक्षात येते. बीड जिल्ह्यातील केज विधानसभा मतदारसंघात मुंदडा परिवाराने नेहमीच सर्वसामान्य कार्यकर्त्याला विपुल प्रमाणात संधी उपलब्ध करून न्याय दिला आहे. ज्येष्ठांना सन्मान आणि तरूणांना पुढे आणले आहे. अशा मध्यमवर्गीय कुटुंबातील अक्षय भुमकर यांनी स्वतःच्या रक्ताने पोर्ट्रेट काढून आमची निष्ठा मुंदडा परिवाराशीच असल्याचे सांगून नेतृत्वावर विश्वास आणि निष्ठेचा आदर्श घालून दिला आहे. शहरातील मंगळवार पेठ भागात राहणारे युवक कार्यकर्ते अक्षय भुमकर हे आमदार नमिताताई अक्षय मुंदडा यांचे कट्टर समर्थक म्हणून ओळखले जातात. सामाजिक बांधिलकी जोपासत ते मोफत शिबीराचे आयोजन करतात. या शिबिरात तज्ज्ञ डॉक्टरांकडून योग्य निदान, औषधोपचार आणि शस्त्रक्रिया करण्यात आल्या आहेत. आमदार नमिताताई मुंदडा, युवा न...

महाविकास आघाडीची गांधीगिरी ; अभियंत्याच्या रिकाम्या खुर्चीला घातला फुलांचा हार महावितरणने कारभार सुधारावा अन्यथा आंदोलन करणार - राजेसाहेब देशमुख महावितरणच्या अनागोंदी कारभाराला जनता वैतागली - माजी आमदार पृथ्विराज साठे ================================ अंबाजोगाई (लोकनायक मिडिया न्युज नेटवर्क) येथील महावितरण कार्यालयातील कार्यकारी अभियंत्याच्या रिकाम्या खुर्चीला हार घालून महाविकास आघाडीसह शेतकऱ्यांनी गांधीगिरी करीत अनोखे निषेध आंदोलन केले. तालुक्यातील शेतकरी मागील अनेक दिवसांपासून महावितरणच्या ढिसाळ नियोजनाने, दप्तर दिरंगाई, मनमानी कारभारामुळे तसेच जळालेली विद्युत जनित्रे वेळेत न बसविल्याने, उपलब्ध करून न दिल्याने वैतागले आहेत. या कार्यालयातील अधिकारी नेहमीप्रमाणेच आढळून न आल्याने महाविकास आघाडीच्या नेते, पदाधिकारी व शेतकऱ्यांनी मंगळवार, दिनांक २५ जुन रोजी गांधीगिरी करीत कार्यकारी अभियंत्याच्या रिकाम्या खुर्चीला फुलांचा हार घालून अनोखे आंदोलन केले. यावेळी बोलताना महावितरणने तात्काळ कारभार सुधारावा, शेतकरी आणि इतर सर्व वीज ग्राहकांना दर्जेदार सेवा द्यावी अन्यथा जनतेच्या प्रश्नांची सोडवणूक ...

प्राचार्य राजाभाऊ धाट सहस्त्रचंद्र दर्शन समारोहाचे ३० जुन रोजी आयोजन मान्यवरांची उपस्थिती ; समारोह समितीची माहिती ================================= अंबाजोगाई (लोकनायक मिडिया न्युज नेटवर्क) एक बहुआयामी व्यक्तिमत्त्व म्हणून ज्यांची महाराष्ट्रात सर्वदूर ख्याती आहे. विद्यार्थीप्रिय आणि प्रयोगशील प्राचार्य म्हणून ज्यांचा आजही नांवलौकिक आहे. व ज्यांनी शिक्षणासोबतच वित्त, ग्रामीण आणि कृषी विकास, अ.भा.वि.प., सहकार भारती अशा विविध क्षेत्रातील संस्था आणि सेवाकार्याच्या उभारणीत आणि विकास कार्यात आपले महत्त्वपूर्ण योगदान दिले आहे. त्या प्राचार्य राजाभाऊ धाट यांच्या बहुमोल कार्याविषयी कृतज्ञता व्यक्त करण्यासाठी अंबाजोगाई शहरात प्राचार्य धाट यांचे चाहते, विद्यार्थी व विविध क्षेत्रातील सहकारी यांनी एकत्रित येत समारोह समितीच्या माध्यमातून सहस्त्रचंद्र दर्शन समारोहाचे रविवार, दिनांक ३० जून २०२४ रोजी आयोजन केले आहे. यावेळी मान्यवरांची प्रमुख उपस्थिती लाभणार आहे. अशी माहिती समारोह समिती व धाट परिवार यांच्या वतीने देण्यात आली आहे. "केल्यानें होत आहे रे । आधीं केलेंची पाहिजे ।। " किंवा "साधन...

लोक जनशक्ती पार्टीच्या मराठवाडा प्रदेशाध्यक्षपदी राजेश वाहुळे यांची फेरनिवड निष्ठावंत राजेश वाहुळे यांच्या निवडीचे सर्वस्तरांतून स्वागत =================================== अंबाजोगाई (लोकनायक मिडिया न्युज नेटवर्क) दलित, बहुजन व अल्पसंख्याकांच्या सामाजिक व आर्थिक प्रश्नांसाठी न्याय मिळवून देण्यासाठी लढणारा पक्ष म्हणून लोक जनशक्ती पार्टीची संपूर्ण देशात सर्वदूर ओळख आहे. लोक जनशक्ती पार्टी व दलित सेनाचे संस्थापक नेते दिवंगत माजी केंद्रीय मंत्री रामविलासजी पासवान यांच्या प्रेरणेने सामाजिक व राजकीय क्षेत्रात कार्य करीत असलेल्या लोक जनशक्ती पार्टीच्या मराठवाडा प्रदेशाध्यक्षपदी राजेश बालाजी वाहुळे यांची फेरनिवड नुकतीच करण्यात आली आहे. निष्ठावंत कार्यकर्ते वाहुळे यांच्या निवडीचे सर्वस्तरांतून स्वागत होत आहे. लोक जनशक्ती पार्टीचे राष्ट्रीय अध्यक्ष तथा देशाचे अन्न, प्रक्रिया खात्याचे कॅबिनेट दर्जाचे मंत्री चिरागजी पासवान, युवा राष्ट्रीय अध्यक्ष प्रणव कुमार यांच्या आदेशावरून युवा प्रदेशाध्यक्ष मोहन अनमोलु यांनी शिर्डी येथे स्वतःचे हस्ते नियुक्तीपत्र देवून लोक जनशक्ती पार्टीच्या मराठवाडा प्रदेशाध्य...

पतंजलि योग समितीच्या शिबिरांचे शतक ; माजी सैनिक दत्ता लांब यांनी ५५ हजार विद्यार्थ्यांना दिले योगाचे मोफत धडे एमआयटी शालेय विभाग येथे आंतरराष्ट्रीय योग दिन उत्साहात साजरा =================================== अंबाजोगाई (लोकनायक मिडिया न्युज नेटवर्क) एमआयटी शालेय विभाग आणि पतंजली योग समिती अंबाजोगाई यांच्या संयुक्त विद्यमाने आंतरराष्ट्रीय योग दिन शुक्रवार, दिनांक २१ जुन रोजी एमआयटी शालेय परिसर, नागझरी, शेपवाडी, अंबाजोगाई येथे उत्साहात साजरा करण्यात आला. शहर व तालुक्यातील विविध शाळा तसेच महाविद्यालयातून आयोजित करण्यात आलेल्या १०० शिबिरांतून तब्बल ५५ हजारांहून अधिक विद्यार्थ्यांना मागील ११ महिन्यांपासून योगाचे मोफत धडे देण्याचे काम माजी सैनिक योग प्रशिक्षक दत्ता सदाशिव लांब यांनी केले आहे. त्यांच्या १०० व्या योग विज्ञान शिबिराच्या सांगता समारोहाचे आयोजन एमआयटी शालेय विभाग येथे आंतरराष्ट्रीय योग दिनानिमित्त करण्यात आले होते. पतंजलि योग समितीचे मुख्य योग प्रशिक्षक माजी सैनिक आयुर्वेदिक चिकित्सक दत्ता लांब यांनी मागील ११ महिन्यांपासून सुरू केलेल्या योग दिंडी आपल्या दारी या अभियानांतर्गत १०० व्...

भिमशक्तीच्या बीड जिल्हा कार्याध्यक्षपदी भिमराव सरवदे यांची नियुक्ती भिमराव सरवदे यांच्या निवडीचे सर्वस्तरांतून स्वागत ============================== अंबाजोगाई (लोकनायक मिडिया न्युज नेटवर्क) बहुजनांच्या न्याय हक्कांसाठी धर्मनिरपेक्षपणे लढणारी संघटना म्हणून भिमशक्तीची सर्वदूर ओळख आहे. भिमशक्तीचे संस्थापक अध्यक्ष खासदार तथा महाराष्ट्र राज्याचे माजी सामाजिक न्याय मंत्री चंद्रकांत हंडोरे यांनी स्वतःचे हस्ते नियुक्तीपत्र देवून भिमशक्तीच्या बीड जिल्हा कार्याध्यक्षपदी भिमराव सरवदे यांची नियुक्ती केली आहे. येथील आंबेडकरी चळवळीतील अभ्यासू कार्यकर्ते भिमराव वामनराव सरवदे हे मागील वीस वर्षांपासून सामाजिक व दलित चळवळी मध्ये कार्यरत आहेत. चळवळी मध्ये त्यांचे मोठे योगदान आहे. विविध कार्यक्रमांच्या माध्यमातून प्रख्यात गायक आनंद शिंदे, आदर्श शिंदे, साहेबराव येरेकर यांचे कार्यक्रम घेऊन त्यांनी चळवळीच्या माध्यमातून प्रबोधनाचा वारसा जोपासला आहे. बांधिलकी जोपासत गोरगरीब, गरजू लोकांना दवाखाना असो, तहसील असो किंवा पोलिस स्टेशन येथे त्यांचे प्रश्न सोडवण्यासाठी व त्यांना न्याय मिळवून देण्यासाठी सरवदे हे कायमच ...

सोयाबीन पिकात 'अष्टसुत्री'चा वापर करून उत्पादन वाढवा - कृषि सहसंचालक शंकरराव तोटावर यांचे शेतकऱ्यांना आवाहन "शेतातच करा नैसर्गिक खत निर्मिती" - या विषयावर कार्यशाळा ; शेतकऱ्यांचा प्रतिसाद ================================= अंबाजोगाई (लोकनायक मिडिया न्युज नेटवर्क)  तालुक्यातील मौजे चनई आणि माकेगाव येथे अफार्म-पुणे, जयप्रभा ग्रामीण विकास मंडळ, पंजाबराव देशमुख सेंद्रीय शेती व नैसर्गिक शेती मिशनचा पुढाकाराने शेतकऱ्यांसाठी अल्पखर्चात शेतातच नैसर्गिक खत निर्मितीचे तंत्र या विषयावर कार्यशाळेचे आयोजन गुरूवार, दिनांक १३ जुन रोजी करण्यात आले होते. यावेळी सोयाबीन पिकाचे उत्पादन वाढविण्यासाठी शंकरराव तोटावर (सहसंचालक, कृषि विभाग, नागपूर) यांनी सोयाबीन पिकाच्या पेरणी अगोदर पासून तर काढणे पश्चात तंत्रज्ञानापर्यंत अगदी मुद्देसूद माहिती पीपीटी द्वारे शेतकऱ्यांना दिली. तसेच सोयाबीन पिकात अष्टसुत्रीचा वापर करून उत्पादन वाढवा असे आवाहन कृषि सहसंचालक शंकरराव तोटावर (नागपूर) यांनी शेतकऱ्यांना केले. या कार्यशाळेस तालुक्यातील विविध गावच्या शेतकऱ्यांनी चांगला प्रतिसाद दिला. चनई (ता.अंबाजोगाई)...

पंकजाताईंसाठी मुंदडा कुटुंबियांनी इमानेइतबारे काम केले - संजय गंभीरे बिनबुडाचे आरोप व अपप्रचार करू नये ; सामाजिक सलोखा बिघडवू नये केले आवाहन =============================== अंबाजोगाई (लोकनायक मिडिया न्युज नेटवर्क) बीड लोकसभा मतदारसंघातील भाजपाच्या अधिकृत उमेदवार पंकजाताई मुंडे यांच्यासाठी केज विधानसभा मतदारसंघातील लोकप्रिय आमदार नमिताताई मुंदडा व कुटुंबियांनी इमानेइतबारे काम केले आहे. याचा मी प्रत्यक्ष साक्षीदार आहे. कारण, मी निवडणूक प्रक्रियेत सक्रिय सहभागी होतो. केजमध्ये आ.मुंदडांसह ज्येष्ठ नेते नंदकिशोर मुंदडा व युवा नेते अक्षय मुंदडा यांच्यासह त्यांना मानणारे भाजप नेते व आमच्या सारख्या छोट्या कार्यकर्त्यांनी ही आपली सगळी ताकद पंकजाताई यांच्या पाठीशी उभी केली होती. तरी पण, केज विधानसभा मतदारसंघात प्रचार काळात सर्वांच्या केंद्रस्थानी आ.मुंदडा याच होत्या. दरम्यान, निवडणुकीत शेवटच्या टप्प्यापर्यंत त्यांनी आपली संपूर्ण यंत्रणा ही भाजपाच्या मागे उभी केली. त्याचा फायदा अंबाजोगाई शहरासह केज, नेकनूर व बीड तालुक्यासह इतर भागांतही झाला. केवळ मुंदडा कुटुंबियांच्या सुनियोजित पद्धतीने राबविण्यात...

अंबाजोगाईतील ब्रह्माकुमारीज आनंदसरोवर येथे दोन दिवसीय शिबीर संपन्न ब्रह्माकुमार दशरथ भाई यांचे मौलिक मार्गदर्शन ; गीता पाठशाळेच्या सदस्यांची उपस्थिती ================================= अंबाजोगाई (लोकनायक मिडिया न्युज नेटवर्क)  शहरातील ब्रह्माकुमारीज आनंदसरोवर, अंबाजोगाई ओम शांती सेंटर येथे नुकतेच दोन दिवसीय शिबीर आयोजित करण्यात आले होते. या शिबिरात विघ्न विनाशक स्थिती कशी बनविता येईल यासाठी ज्वाला स्वरूप भट्टी संपन्न झाली. ब्रह्माकुमार दशरथ भाईजी यांनी मौलिक मार्गदर्शन केले. यावेळी गीता पाठशाळेच्या सदस्यांची मोठ्या संख्येने उपस्थिती होती. या शिबिराचे उद्घाटन ब्रह्माकुमार दशरथ भाई (पुणे), न्यायदंडाधिकारी सचिन मेहता, बीके गोपाळ रांदड, सेंटरच्या प्रमुख बीके सुनिता बहेन, बीके मंजू बहेन व इतर प्रमुखांच्या शुभ हस्ते दीपप्रज्ज्वलन करून करण्यात आले. बीके सुनिता बहेन यांनी बीके दशरथ भाई यांचे स्वागत केले. तसेच त्यांचा परिचय ही करून दिला. या शिबिरात पहिल्या दिवशी योगधारणा करण्यात आली. यामध्ये एकूण २५० जणांनी सहभाग घेतला. त्यानंतर 'मन स्वच्छ बुद्धि क्लिअर रख, डबल लाईट स्थिती का अनुभव करो' ...

गोविंद हाके यांची तालुका कार्याध्यक्ष या पदावर नियुक्ती अंबाजोगाईत संभाजी ब्रिगेडच्या कार्यकर्ता बैठकीचे आयोजन संभाजी ब्रिगेडची विचारधारा समाजातील शेवटच्या घटकांपर्यंत पोहोंचवणार - जिल्हाध्यक्ष प्रविण ठोंबरे ============================= अंबाजोगाई (लोकनायक मिडिया न्युज नेटवर्क) आगामी काळात होवू घातलेल्या महापालिका, नगरपालिका, जिल्हा परिषद व पंचायत समिती निवडणूकीच्या पार्श्वभूमीवर पुर्व तयारीचा आढावा घेण्यासाठी शहरात संभाजी ब्रिगेडच्या कार्यकर्ता बैठकीचे आयोजन नुकतेच करण्यात आले होते. या बैठकीत जिल्हाध्यक्ष प्रविण ठोंबरे यांनी उपस्थित पदाधिकारी व कार्यकर्त्यांना मार्गदर्शन केले. यावेळी गोविंद हाके यांची तालुका कार्याध्यक्ष या पदावर नियुक्ती करण्यात आली. अंबाजोगाई येथे संभाजी ब्रिगेडचे प्रदेशाध्यक्ष ऍड.मनोजदादा आखरे, प्रदेश महासचिव सौरभदादा खेडेकर यांच्या मार्गदर्शनाखाली आयोजित केलेल्या बैठकीत नुकत्याच झालेल्या लोकसभा निवडणुकीत महाविकास आघाडीने जे ऐतिहासिक यश संपादन केले आहे. त्याचा आनंद साजरा करून या विजयात आपला मोलाचा वाटा उचलणाऱ्या बीड जिल्ह्यातील सुज्ञ मतदारांचे आभार या बैठकीत मानण्य...

 ००० पुण्यस्मरण ००० मनी होती कर्तव्याची जाणीव कधी न दिसला मोठेपणा, चेहरा होता सदा हसरा सर्वांनाच होता प्रिय न्यारा पुन्हा लाभेल का अशी दिव्यमुर्ती पुर्नजन्म घ्यावा आमच्यासाठी हीच आमची प्रार्थना..! स्व.विजय धोंडीराम चव्हाण यांच्या 8 व्या पुण्यस्मरणानिमित्त विनम्र अभिवादन 🌹🙏🌹🙏🌹🙏🌹 • आभिवादक • चव्हाण परिवार, अंबाजोगाई. (Advt.)

स्वाराती रूग्णालयातील कालबाह्य झालेली सीटी स्कॅन मशीन तात्पुरत्या अवस्थेत पुन्हा सुरू ; आ.नमिताताई मुंदडांचे प्रयत्न यशस्वी =============================== अंबाजोगाई (लोकनायक मिडिया न्युज नेटवर्क) येथील स्वामी रामानंद तीर्थ रुग्णालयातील सीटी स्कॅन मशीन मागील सात महिन्यापासून बंद पडली होती. आ.नमिताताई मुंदडा यांच्या पाठपुराव्यानंतर अनेक अडचणींवर मात करत हि मशीन तात्पुरत्या अवस्थेत पुन्हा सुरू करण्यात यश मिळाले आहे. त्यामुळे अति अत्यावस्थ रूग्णांची गैरसोय टळणार आहे. दरम्यान, कालबाह्य झालेली सध्याची मशीन कितपत चालेल याबाबत शंका असल्याने आ.नमिताताई मुंदडा यांनी नवीन सीटी स्कॅन मशीनसाठी युद्धपातळीवर पाठपुरावा सुरू केला आहे.  अंबाजोगाई येथील स्वाराती रुग्णालयाचा अंबाजोगाई, बीडसह आजूबाजूच्या जिल्ह्यातील गोरगरीब रूग्णांना मोठा आधार आहे. रुग्णांच्या सोयीसाठी अत्यल्प दरात अद्यावत यंत्रसामुग्रीद्वारे तपासणी करून उपचार होत असल्याने येथे रुग्णांची दररोज प्रचंड गर्दी असते. मात्र, मागील सात महिन्यापासून येथील सीटी स्कॅन मशीन बंद पडल्याने रुग्णांची गैरसोय होऊ लागली होत. सर्व सामान्यपणे सीटी स्कॅन ...

राष्ट्रवादी काँग्रेस पार्टी शरदचंद्र पवार पक्षाचे माजी आमदार पृथ्विराज साठे व तालुकाध्यक्ष अमर देशमुख यांच्या पाठपुराव्याला यश स्वाराती रूग्णालयातील सिटीस्कॅन मशिन सुरू झाल्यामुळे रूग्णांना दिलासा ================================== अंबाजोगाई (लोकनायक मिडिया न्युज नेटवर्क)  येथील स्वामी रामानंद तीर्थ शासकीय ग्रामीण वैद्यकीय महाविद्यालय व रूग्णालयात मागील अनेक दिवसांपासुन आरोग्य सेवेसाठी आवश्यक असलेल्या विविध मशिन व यंत्रसामुग्री बंद आहेत. त्यामुळे रूग्णांचे मोठे हाल होत आहेत. तरी शासन व प्रशासनाने याबाबत तातडीने पावले उचलावीत आणि सदरील प्रश्नांची सोडवणूक करावी अशी मागणी राष्ट्रवादी काँग्रेस शरदचंद्र पवार पक्षाचे माजी आमदार पृथ्विराज साठे व तालुकाध्यक्ष अमर देशमुख यांनी दिनांक २० मे रोजी दिलेल्या निवेदनातून केली होती. याप्रश्नी केलेल्या सततच्या पाठपुराव्याला यश आले असून अखेर स्वाराती शासकीय ग्रामीण वैद्यकीय रूग्णालयातील सिटीस्कॅन मशिन पुर्ववत सुरू झाली आहे. यामुळे रूग्णांना दिलासा मिळणार आहे. रामानंद तीर्थ शासकीय ग्रामीण वैद्यकीय महाविद्यालय व रूग्णालयाचे अधिष्ठाता यांना यापूर्वी दिल...

नाभिक समाजातील गुणवंत विद्यार्थ्यांचा गुणगौरव सोहळा व जिल्हा मेळाव्याचे माजलगांव येथे आयोजन - मोठ्या संख्येने उपस्थित राहावे - तालुकाध्यक्ष मधुकरराव सुरवसे यांचे आवाहन ======================= अंबाजोगाई (लोकनायक मिडिया न्युज नेटवर्क)  महाराष्ट्र नाभिक महामंडळ, बीड जिल्हा आयोजित नाभिक समाजातील इयत्ता १० वी, १२ वी आणि नीट परिक्षेत उत्तीर्ण झालेल्या गुणवंत विद्यार्थ्यांचा व विविध स्पर्धात्मक परीक्षांमध्ये जसे डॉक्टर, इंजिनिअर, वकील, नागरी सेवा, शासकीय निमशासकीय नौकरी मिळवलेल्या गुणवंतांचा गुणगौरव सोहळा तसेच जिल्हास्तरीय मेळाव्याचे आयोजन करण्यात आले आहे. मागील अनेक वर्षांपासून महाराष्ट्र नाभिक महामंडळाच्या वतीने गुणवंत विद्यार्थ्यांच्या सत्काराचे आयोजन करण्यात येते. तसेच यावर्षीही गुणवंत विद्यार्थ्यांच्या सत्काराचे आयोजन सोमवार, दिनांक १० जून २०२४ रोजी सकाळी ११ वाजता वैष्णवी मंगल कार्यालय, गजानन मंदिर रोड, माजलगाव (जि.बीड) येथे करण्यात आले आहे. या कार्यक्रमात महाराष्ट्र नाभिक महामंडळाचे प्रदेशाध्यक्ष कल्याणराव दळे यांच्या शुभहस्ते स्वागत करण्यात येणार आहे. तर या कार्यक्रमाचे अध्यक्षस्था...

स्वतःची क्षमता ओळखणारा विद्यार्थीच यशस्वी करिअर घडवू शकतो - प्रा.नागेश जोंधळे ================================ माजलगाव (लोकनायक मिडिया न्युज नेटवर्क) दहावी उत्तीर्ण झाल्यानंतर आपल्या पाल्यांना इयत्ता अकरावी मध्ये आर्ट्स (कला), सायन्स (विज्ञान) का कॉमर्स (वाणिज्य) वा एखाद्या शाॅर्ट टर्म डिप्लोमा वा कोर्सला प्रवेश द्यावा या चिंतेत पालक असतात. त्यांनी आपल्या मुलांतील सुप्त गुणांचा व त्यांच्यातील क्षमतांचा विचार केला पाहिजे, स्वतःची क्षमता ओळखणारा विद्यार्थीच यशस्वी करिअर घडवू शकतो. त्यामुळे करिअर मध्ये यशस्वी होण्यासाठी मुलां-मुलींनी स्वतःला ओळखणे गरजेचे असल्याचे प्रतिपादन सुप्रसिद्ध लेखक तथा विश्वविक्रमवीर प्रशिक्षक प्रा.सर नागेश जोंधळे यांनी शुक्रवार, दि. ३१ मे २०२४ रोजी खोलेश्वर विद्यालय, दिंद्रुड, ता.माजलगाव, (जि.बीड) येथे आयोजित दहावी नंतर पुढे काय ? या विषयावर बोलताना केले. करिअर मार्गदर्शन शिबिरास विद्यार्थी व पालकांचा उत्स्फूर्त प्रतिसाद लाभला. कार्यक्रमाचे अध्यक्षस्थानी संस्थाप्रमुख दिलीप पारेकर, प्राचार्या सरीता फपाळ, आई सेंटर प्रो चे संस्थापक प्रा.नागेश जोंधळे, कॉर्पोरेट मॅनेजर...

रिपब्लिकन पार्टी ऑफ इंडिया (ए) पक्षाच्या पदाधिकाऱ्यांच्या निवडी युवक जिल्हाध्यक्षपदी ऋषिकेश शिंदे, युवक तालुकाध्यक्षपदी अजय आगळे तर अंबाजोगाई तालुकाध्यक्षपदी नासेर कलीम शेख =================================== अंबाजोगाई (लोकनायक मिडिया न्युज नेटवर्क)  रिपब्लिकन पार्टी ऑफ इंडिया (ए) पक्षाची बीड जिल्ह्यातील पदाधिकारी यांच्या निवडी शुक्रवार, दिनांक ३१ मे रोजी करण्यात आल्या यात युवक बीड जिल्हाध्यक्षपदी ऋषिकेश शिंदे, युवक अंबाजोगाई तालुकाध्यक्षपदी अजय आगळे तर अंबाजोगाई तालुकाध्यक्षपदी नासेर कलीम शेख यांचा समावेश आहे. यावेळी पदाधिकारी व कार्यकर्त्यांची मोठ्या संख्येने उपस्थित राहून उत्स्फूर्त प्रतिसाद दिला. रिपब्लिकन पार्टी ऑफ इंडिया (ए) पक्षाचे राष्ट्रीय अध्यक्ष दिपकभाऊ निकाळजे, राष्ट्रीय महासचिव डॉ.मोहनलाल पाटील, महाराष्ट्र प्रदेश कार्याध्यक्ष बाळासाहेब पवार यांच्या आदेशानुसार शुक्रवार, दि.३१ मे २०२४ रोजी अंबाजोगाई येथे आयोजित करण्यात आलेल्या बैठकीत प्रमुख उपस्थिती व मार्गदर्शक म्हणून रिपब्लिकन पार्टी ऑफ इंडिया (ए) पक्षाचे मराठवाडा संपर्कप्रमुख प्रकाश वेदपाठक, मराठवाडा संघटक संजय तेलंग,...