लोकनायक मिडिया

अंबाजोगाई सहकारी साखर कारखान्याला गतवैभव मिळवून देण्यासाठी संचालक मंडळ प्रयत्नशील - चेअरमन रमेशराव आडसकर अंबाजोगाई सहकारी साखर कारखान्याची ४७ वी वार्षिक सर्वसाधारण सभा संपन्न =================================== अंबाजोगाई (लोकनायक मिडिया न्युज नेटवर्क) अंबाजोगाई सहकारी साखर कारखाना लि.अबांसाखरची ४७ वी वार्षिक सर्वसाधारण सभा कारखान्याच्या प्रांगणात सोमवार, दिनांक ३० सप्टेंबर २०२४ रोजी संपन्न झाली. यावेळी बोलताना चेअरमन रमेशराव आडसकर यांनी अंबाजोगाई सहकारी साखर कारखान्याला गतवैभव मिळवून देण्यासाठी संचालक मंडळाने पुढाकार घेतला आहे. हा कारखाना चांगल्या पद्धतीने चालविण्याचा प्रयत्न करणार असल्याचे त्यांनी सांगितले. प्रारंभी अहवाल वर्षातील दिवंगतांना श्रद्धांजली अर्पण करण्यात आली. त्यानंतर अहवालाचे वाचन करण्यात आले, त्यास उपस्थित सभासदांनी टाळ्यांच्या गजरात मंजुरी दिली. यावेळी सर्वसाधारण सभेचे अध्यक्ष म्हणून बोलताना चेअरमन रमेशराव आडसकर म्हणाले की, आपल्या कारखान्याच्या ४७ व्या वार्षीक सर्वसाधारण सभेस सर्वजण उपस्थित राहिलात या बद्दल संचालक मंडळाचे वतीने मी सर्वांचे हार्दीक स्वागत करून दिनांक १...

भिमशक्तीच्या बीड जिल्हा प्रसिध्दीप्रमुखपदी सुनिल धिमधिमे यांची नियुक्ती सुनिल धिमधिमे यांच्या नियुक्तीचे सर्वस्तरांतून स्वागत  ================================== अंबाजोगाई (लोकनायक मिडिया न्युज नेटवर्क) बहुजनांच्या न्याय हक्कांसाठी धर्मनिरपेक्षपणे लढणारी संघटना म्हणून भिमशक्तीची सर्वदूर ओळख आहे. भिमशक्तीचे संस्थापक अध्यक्ष खासदार तथा महाराष्ट्र राज्याचे माजी सामाजिक न्याय मंत्री चंद्रकांतजी हंडोरे यांच्या नेतृत्वाखाली व मान्यवरांच्या प्रमुख उपस्थितीत नियुक्तीपत्र देवून भिमशक्तीच्या बीड जिल्हा प्रसिध्दीप्रमुखपदी सुनिल धिमधिमे यांची नियुक्ती केली आहे. येथील आंबेडकरी चळवळीतील अभ्यासू कार्यकर्ते सुनिल धिमधिमे (संपादक, साप्ताहिक महाराष्ट्राची शान) हे मागील अनेक वर्षांपासून सामाजिक कार्य करीत आहेत. चळवळी मध्ये त्यांचे योगदान आहे. विविध माध्यमातून ते गरजूंना नेहमी मदत करतात. धिमधिमे हे बांधिलकी जोपासत गोरगरीब, गरजू लोकांना दवाखाना असो, तहसील असो किंवा पोलिस स्टेशन येथे त्यांचे प्रश्न सोडविण्यासाठी पुढाकार घेतात. वंचितांना न्याय मिळवून देण्यासाठी ते कार्यरत आहेत. त्यांच्या या सर्वांगिण कार...

अंबाजोगाईच्या स्वामी विवेकानंद बाल विद्यामंदिर शाळेत "भान" शिबिराचे यशस्वीरित्या आयोजन ======================= अंबाजोगाई (लोकनायक मिडिया न्युज नेटवर्क) येथील स्वामी विवेकानंद बाल विद्यामंदिर शाळेत "भान" शिबिराचे यशस्वीरीत्या आयोजन करण्यात आले. या शिबिरात इयत्ता नववी व दहावीच्या विद्यार्थ्यांनी सहभाग घेतला. पौगंडावस्थेतील आव्हानांना सामोरे जाण्यासाठी "भान" शिबिराचे आयोजन करण्यात आले होते.  पौगंडावस्था म्हणजे मुलांच्या जीवनातील अत्यंत महत्त्वाचा आणि संवेदनशील टप्पा. या काळात त्यांच्यात शारीरिक, मानसिक व भावनिक बदल होत असतात. ज्यामुळे मुलांना अनेक प्रकारच्या प्रश्नांचा सामना करावा लागतो. या वयात त्यांच्यात असुरक्षितता, आत्मविश्वासाचा अभाव आणि बदलत्या शरीराबद्दल अनिश्चितता असते. योग्य मार्गदर्शनाच्या अभावामुळे त्यांची विचारसरणी व वर्तनावर परिणाम होऊ शकतो. या काळात त्यांना योग्य समुपदेशन आणि योग्य दिशा देणे अत्यंत आवश्यक असते. अन्यथा अनेक अडचणीच्या प्रसंगांना सामोरे जावे लागते. कित्येकवेळा मुलामुलींच्या आयुष्यावर परिणाम करणाऱ्या घटना या काळात घडू शकतात म्हणून ...

विविध कल्याणकारी महामंडळे व शासकीय योजनांचा लाभ घ्या - महेशभाऊ शिंदे यांचे आवाहन माणुसकी सेवा फाऊंडेशनचे अध्यक्ष महेशभाऊ शिंदे यांचा जिल्ह्यासह अंबाजोगाई तालुक्याचा झंझावाती दौरा शेतकरी, शेतमजूर, बेरोजगार, गोरगरीब, गरजू आणि महिला भगिनींना भेटून साधला संवाद ================================== अंबाजोगाई (लोकनायक मिडिया न्युज नेटवर्क) माणुसकी सेवा फाऊंडेशनचे अध्यक्ष तथा राष्ट्रवादी कॉंग्रेसचे प्रदेश उपाध्यक्ष व प्रवक्ते महेशभाऊ शिंदे यांनी सोमवारी बीड, अंबाजोगाई, केज व धारूर तालुक्यातील शेतकरी, शेतमजूर, बेरोजगार, गोरगरीब, गरजू आणि महिला भगिनी यांच्या भेटी गाठी घेवून त्यांच्या अडीअडचणी, समस्या, प्रश्न समजून घेतल्या. आणि त्यांना विविध कल्याणकारी महामंडळे व शासकीय योजनांचा लाभ घेण्याचे आवाहन शिंदे यांनी केले. याबाबत अंबाजोगाई येथे शासकीय विश्रामगृहात आयोजित करण्यात आलेल्या बैठकीत माणुसकी सेवा फाऊंडेशनचे अध्यक्ष तथा राष्ट्रवादी कॉंग्रेसचे (अजित पवार गट) प्रदेश उपाध्यक्ष व प्रवक्ते महेशभाऊ शिंदे यांनी उपस्थितांशी संवाद साधताना सांगितले की, राष्ट्रवादी काँग्रेसचे राष्ट्रीय अध्यक्ष तथा राज्याचे उ...

महाकवी वामनदादा कर्डक यांची जयंती : २९ सप्टेंबर रोजी मान्यवरांना पुरस्कार ; सुप्रसिद्ध गायक मनोजराजा गोसावी आणि गायिका धम्मदिक्षा वाहुळे यांचा भीमगीत गायन कार्यक्रम लोकशाहीर वामनदादा कर्डक कला अकादमीचा पुढाकार ================================= अंबाजोगाई (लोकनायक मिडिया न्युज नेटवर्क) येथील लोकशाहीर वामनदादा कर्डक कला अकादमी, अंबाजोगाई यांच्या वतीने महाकवी वामनदादा कर्डक यांच्या १०२ व्या जयंतीनिमित्त वामनदादा यांच्या सहवासातील मान्यवरांना पुरस्कार देऊन त्यांचा यथोचित सत्कार आणि यवतमाळ येथील सुप्रसिद्ध कवी, गायक मनोजराजा गोसावी आणि धम्मदिक्षा वाहुळे यांचा भीमगीत गायन कार्यक्रम रविवार, दिनांक २९ सप्टेंबर २०२४ रोजी सायंकाळी ५ वाजता आद्यकवी मुकूंदराज सांस्कृतिक सभागृह, नगरपरिषद कार्यालय परिसर, अंबाजोगाई येथे आयोजित करण्यात आला आहे. अशी माहिती आयोजकांकडून देण्यात आली आहे. प्रसिद्धीस दिलेल्या पत्रकात नमूद करण्यात आले आहे की, बुद्ध-फुले-शाहू-आंबेडकर यांचे प्रवर्तनवादी विचार गीत, संगीत, गायनाच्या माध्यमातून ज्यांनी 'जिथे गांव, तिथे भीमाचे नांव पोहोंचवणारा, 'भीमसा कौन बडा है, बताओ इस धर्...

स्व.भगवानराव लोमटे स्मृती पुरस्काराने सतीश आळेकर सन्मानित नाटक हा समाज जीवनाचा आरसा असतो - पद्मश्री सतीष आळेकर यांचे मत =================================== अंबाजोगाई (लोकनायक मिडिया न्युज नेटवर्क) नाटक हा समाज जीवनाचा आरसा असतो असे मत प्रख्यात नाट्य कलावंत, नाटककार पद्मश्री सतीश आळेकर यांनी व्यक्त केले. यशवंतराव चव्हाण स्मृती समितीचे वतीने देण्यात येणा-या स्व.भगवानराव लोमटे राज्य पुरस्कार स्विकारल्यानंतर आपल्या मनोगतात ते बोलत होते. येथील यशवंतराव चव्हाण स्मृती समितीच्या वतीने दरवर्षी समाजकारण, साहित्य, संगीत, सांस्कृतिक, सहकार, शिक्षण, नाटक, सिनेमा आदी क्षेत्रात उतुंग कार्य केलेल्या एका मान्यवरास स्व.भगवानरावजी लोमटे यांच्या स्मृतिपित्यर्थ दरवर्षी हा पुरस्कार दिला जातो. यावर्षी हा बारावा पुरस्कार संगीत नाटक अकादमी पुरस्कार प्राप्त पद्मश्री सतीश आळेकर, पुणे यांना आज गोवा राज्याचे लोकायुक्त न्या.अंबादास जोशी यांच्या हस्ते व ज्येष्ठ नाट्य कलावंत चंद्रकांत काळे यांच्या विशेष उपस्थितीत प्रदान केला गेला. यावेळी व्यासपीठावर यशवंतराव चव्हाण स्मृती चव्हाण स्मृती समारोहाचे सचिव दगडू लोमटे आ...

सोयाबीनला दहा हजार व कापसाला पंधरा हजार रूपये हमीभाव द्या - संभाजी ब्रिगेडची मागणी पाटोदा येथे शेतकऱ्यांचे निदर्शन आंदोलन ================================== अंबाजोगाई (लोकनायक मिडिया न्युज नेटवर्क) सोयाबीनला १० हजार व कापसाला १५ हजार रूपये हमीभाव तसेच २०२३ चा पिक विमा द्यावा, सोयाबीन खरेदी केंद्र सुरू करावे आणि महाराष्ट्रातील शेतकऱ्यांची सरसकट कर्ज माफी करावी या प्रमुख मागण्यांसाठी संभाजी ब्रिगेडच्या वतीने तालुक्यातील पाटोदा येथे मंगळवारी निदर्शन आंदोलन करण्यात आले. याप्रश्नी अपर जिल्हाधिकारी, उपजिल्हाधिकारी आणि कृषि उत्पन्न बाजार समिती, अंबाजोगाई यांना निवेदन देण्यात आले होते. याबाबत संभाजी ब्रिगेडचे जिल्हाध्यक्ष प्रविण उत्तमराव ठोंबरे यांच्या नेतृत्वाखाली जिल्हा सचिव नारायणराव मुळे, जिल्हा उपाध्यक्ष परमेश्वर मिसाळ, जिल्हा उपाध्यक्ष आबासाहेब पवार, अंबाजोगाई तालुकाध्यक्ष सिद्राम यादव, संभाजी ब्रिगेड महिला आघाडीच्या जिल्हाध्यक्षा सौ.अश्विनीताई यादव लोमटे, अंबाजोगाई तालुकाध्यक्षा सुनंदाताई लोखंडे, विद्यार्थी आघाडीचे जिल्हाध्यक्ष केशव टेहरे, तालुकाध्यक्ष पृथ्वीराज सोनवणे यांनी तालुक्यातील...

राहुल गांधींबद्दल अपशब्द बोलणाऱ्या आ.संजय गायकवाड व खा.अनिल बोंडे यांच्यावर गुन्हे दाखल करा - भिमशक्तीचे उपजिल्हाधिकारी व पोलिस निरीक्षकांना निवेदन ================================= अंबाजोगाई (लोकनायक मिडिया न्युज नेटवर्क) राहुल गांधी यांच्याबद्दल अपशब्द बोलणारे बुलढाण्याचे आमदार संजय गायकवाड व खासदार अनिल बोंडे यांच्यावर गुन्हे दाखल करावेत अशी मागणी भिमशक्तीचे जिल्हा कार्याध्यक्ष भिमराव सरवदे, मराठवाडा संघटक चंद्रकांत खरात यांच्यासह पदाधिकाऱ्यांनी उपजिल्हाधिकारी व पोलिस निरीक्षक यांना गुरूवार, दिनांक १९ सप्टेंबर रोजी दिलेल्या निवेदनातून केली आहे. संस्थापक अध्यक्ष तथा माजी मंत्री खासदार चंद्रकांतजी हंडोरे यांच्या नेतृत्वाखाली कार्यरत व बहुजनांच्या न्याय हक्कांसाठी धर्मनिरपेक्ष लढणारी सामाजिक संघटना भिमशक्तीच्या वतीने उपजिल्हाधिकारी व पोलिस निरीक्षक, अंबाजोगाई यांना देण्यात आलेल्या निवेदनात नमूद करण्यात आले आहे की, अमेरिकेच्या वॉशिंग्टन शहरामध्ये राहुल गांधी यांनी विद्यार्थ्यांशी चर्चा करीत असताना एका विद्यार्थीनीच्या प्रश्नाचे उत्तर देताना असे वक्तव्य केले की, "भारतामध्ये जोपर्यंत...

बर्दापूर येथील महामानव डॉ.बाबासाहेब आंबेडकर यांच्या स्मारकाचे रखडलेले काम १४ ऑक्टोबर पर्यंत पुर्ण करा अन्यथा १५ ऑक्टोबर रोजी बंद पाळणार - ऑल इंडिया पँथर सेनेचे राष्ट्रीय अध्यक्ष दिपकभाई केदार यांचा इशारा ================================= अंबाजोगाई (लोकनायक मिडिया न्युज नेटवर्क) तालुक्यातील मौजे बर्दापूर येथील महामानव डॉ.बाबासाहेब आंबेडकर यांच्या स्मारकाचे रखडलेले काम १४ ऑक्टोबर पर्यंत पुर्ण करा, अन्यथा १५ ऑक्टोबर २०२४ रोजी अंबाजोगाई शहर व तालुक्यात बंद पाळण्यात येईल असा इशारा ऑल इंडिया पँथर सेनेचे राष्ट्रीय अध्यक्ष दिपकभाई केदार यांनी दिला आहे. तसेच आयोजित बैठकीत केदार यांनी सार्वजनिक बांधकाम विभागाचे कार्यकारी अभियंता यांच्याकडे स्मारकाच्या रखडलेल्या कामाबाबत आक्षेप नोंदवून जाब विचारला. याबाबत उपविभागीय अधिकारी यांना ऑल इंडिया पँथर सेनेच्या वतीने गुरूवारी एक निवेदन देण्यात आले. ऑल इंडिया पँथर सेनेचे राष्ट्रीय अध्यक्ष दिपकभाई केदार यांनी तालुक्यातील मौजे बर्दापूर येथील महामानव डॉ.बाबासाहेब आंबेडकर यांच्या रखडलेल्या स्मारकाच्या कामाबाबत सार्वजनिक बांधकाम विभागाचे कार्यकारी अभियंता गौरीश...

अखेर ठरलं..! ॲड.शंकर चव्हाण परळी मतदारसंघातूनच विधानसभेची निवडणूक लढणार  तरूणांना रोजगार, परळीला आयटी हब व गावांना स्मार्ट विलेज बनविण्याचा निर्धार =================================== परळी वैजनाथ | लोकनायक मिडिया न्युज नेटवर्क  अनेक दिवसांपासून सोशल मिडीयावर चर्चेत असलेले ॲड.शंकर चव्हाण यांच्या विधानसभा मतदार संघाबाबतचा तिढा अखेर सुटला असून ॲड.शंकर चव्हाण यांचं परळी विधानसभा मतदारसंघातूनच निवडणूक लढविणार असल्याचं अखेर ठरलं आहे. परळी विधानसभा मतदार संघातूनच निवडणूक लढणार यावर शिक्कामोर्तब झाले असल्याचं एका प्रसिध्दीपत्रकाच्या माध्यमातून स्पष्ट झालं आहे. परळी विधानसभा मतदारसंघातून २०२४ ची आमदारकी संपूर्ण ताकतीनिशी लढवणार असल्याचं त्यात जाहीर करण्यात आलं आहे. त्या प्रसिद्धपत्रकामध्ये तरूणांना रोजगार, परळीला आयटी हब व गावांना स्मार्ट व्हिलेज बनविण्याचा निर्धार तसेच संपूर्ण मतदारसंघाचा चेहरा मोहरा बदलून टाकणार असल्याचंही त्यात नमूद केले आहे. येणाऱ्या काळामध्ये परळीच नव्हे तर संपूर्ण मराठवाडा आयटी हब करण्याचा व येथील तरूणांना रोजगार देण्याचा संकल्प ॲड.शंकर चव्हाण यांनी प्रसिद्धीपत्र...

प्रजापिता ब्रह्माकुमारी ईश्वरीय विश्व विद्यालय अंबाजोगाई केंद्रात प्रकृती, पर्यावरण व आपत्ती व्यवस्थापन जनजागृती अभियानातून मौलिक संदेश ब्रह्माकुमारीज मध्ये दृष्टीकोन बदलायला शिकवतात - ब्रम्हाकुमार पियुषभाई ================================= अंबाजोगाई (लोकनायक मिडिया न्युज नेटवर्क) येथील प्रजापिता ब्रह्माकुमारी ईश्वरीय विश्व विद्यालय, आनंद सरोवर, वाघाळा रोड, योगेश्वरी नगरी जवळ, अंबाजोगाई केंद्रात शुक्रवार, दिनांक २० सप्टेंबर रोजी प्रकृति, पर्यावरण एवं आपदा प्रबंधन जनजागृती अभियान आयोजित करण्यात आले होते. या अभियानातून पर्यावरण संवर्धनाचा मौलिक संदेश देण्यात आला. राज्यातील सोलापूर, उमरगा, उदगीर, लातूर, बीड, धाराशिव, बार्शी, अकलूज, पंढरपूर आणि अंबाजोगाई शहरात १५ ते २५ सप्टेंबर या कालावधीत प्रकृति, पर्यावरण एवं आपदा प्रबंधन जनजागृती अभियान राबविण्यात येत आहे. अंबाजोगाई केंद्रांतर्गत रेणापूर (जि.लातूर), परळी वैजनाथ आणि अंबाजोगाई शहरात विविध महाविद्यालय व सेवा केंद्रासह एकूण १४ ठिकाणी हे अभियान प्रवचन, प्रदर्शनी, दृकश्राव्य माध्यम शो, स्लाईड शो, गीत-संगीत, स्लोगन्स आदींचा आधार घेऊन व्यापकपणे...

भारत मुक्ती मोर्चा व संभाजी ब्रिगेड यांच्या संयुक्त विद्यमाने पुणे येथे शिवसन्मान परिषदेचे १५ सप्टेंबर रोजी आयोजन मोठ्या संख्येने सहभागी होण्याचे आवाहन =================================== अंबाजोगाई (लोकनायक मिडिया न्युज नेटवर्क)  भारत मुक्ती मोर्चा व संभाजी ब्रिगेड यांच्या संयुक्त विद्यमाने पुणे येथे शिवसन्मान परिषदेचे १५ सप्टेंबर रोजी आयोजन करण्यात आले आहे. तरी या परिषदेस महाराष्ट्रातील तमाम बहुजन जनतेने उपस्थित रहावे असे आवाहन राष्ट्रीय पिछडा वर्ग (ओबीसी) चे राज्य उपाध्यक्ष मधुकर काळे, भारत मुक्ती मोर्चाचे बीड जिल्हा प्रभारी नासेर शेख, भारत मुक्ती मोर्चाचे बीड जिल्हाध्यक्ष राहुल धाईजे यांनी केले आहे. याबाबत अधिक माहिती देताना सांगितले आहे की, पुणे येथे भारत मुक्ती मोर्चा व संभाजी ब्रिगेड यांच्या संयुक्त विद्यमाने 'शिवसन्मान परिषद' आयोजित करण्यात आली आहे. ही परिषद रविवार,दि.१५ सप्टेंबर २०२४ रोजी सायंकाळी ४ ते रात्री १० यावेळेत ऑल इंडिया श्री शिवाजी मेमोरिअल सोसायटीचे मैदान, आरटीओ ऑफिस शेजारी, पुणे येथे होणार आहे. या शिवसन्मान परिषदेचे नेतृत्व तथा अध्यक्ष वामनजी मेश्राम (राष्ट्...

घर, गणगोत आणि शेतीच्या ऋणानुबंधाला बांधुन ठेवणाऱ्या भाऊसाहेब कोंडीबा शिंदे गित्तेकर या एका सामान्य माणसाची असामान्य गोष्ट..! - लेखक प्रा.डॉ.मुकुंद राजपंखे ================================== "चंदन अत्तर कस्तुरीचा सत्कार असो सन्मान असो त्यांच्या चरणी ओंजळ भरूनी हे गजलेचे श्वास नवे..!" (वटवृक्षासारखं दिर्घायुष्यी सावलीचं घर देणाऱ्या स्थीर झाडाची भूमिका बजावत पशु-पक्षी-मनुष्याला कवेत घेत जगत रहाणं तसं सोपं नसतं. परंतू, निसर्ग शिकवतो. गित्ता, (ता.अंबाजोगाई) येथील सज्जन सद्गृहस्थ भाऊसाहेब कोंडीबा शिंदे यांच्या सत्शील आयुष्याची अखेर ९० व्या वर्षी रहात्या घरी अंबाजोगाई येथे झाली. ढिगभर गणगोतांच्या गराड्यात आणि शेतीमातीचा सुगंध अनुभवत त्यांनी आपली कारकिर्द मोठ्या आनंदात काढली. शिवी कधी जिभेवर न उगलेला सभ्य सद्गृहस्थ म्हणून गावक-यांनी त्यांना कायम इज्जत दिली, आदर केला. जी त्यांनी आपल्या चारित्र्यसंपन्न आयुष्याचा अभिन्न अंग म्हणून कमावलेली होती. अंबाजोगाई येथील खडकपुऱ्यावर त्यांचं पिढ्यान् पिढ्याचं राजकारणात मुरलेलं गब्बर गणगोत असताना ही त्यांना राजकारणानं साधंही शिवलं नाही. सामोपचारानं...

अंबाजोगाईत संत शिरोमणी सेना महाराजांच्या विचारांचा जागर - राजकिशोर मोदी अंबाजोगाईत श्री संत शिरोमणी सेना महाराज यांची पुण्यतिथी साजरी ================================ अंबाजोगाई (लोकनायक मिडिया न्युज नेटवर्क)  श्री संत शिरोमणी सेना महाराज यांच्या ६२५ व्या पुण्यतिथीनिमित्त प्रतिवर्षाप्रमाणे याही वर्षी पुण्यतिथी सोहळा आयोजित करण्यात आला होता. या कार्यक्रमास माजी नगराध्यक्ष राजकिशोर मोदी यांची प्रमुख उपस्थिती लाभली. कार्यक्रमाच्या आयोजनासाठी श्री.संत सेना महाराज प्रतिष्ठाण आणि नाभिक समाज, अंबाजोगाई यांनी पुढाकार घेतला होता. शहरातील श्री संत सेना महाराज व श्री संत नरहरी महाराज मंदिर, मुकुंदराज रोड, अंबाजोगाई येथे शुक्रवार, दिनांक ३० ऑगस्ट रोजी सकाळी ७ ते ९ या वेळेत श्रीहरी गवळी, माणिकराव राऊत, विष्णु कचरे आणि पांडुरंग कचरे यांच्या हस्ते श्रींचा अभिषेक व महापुजा करण्यात आली. त्यानंतर सकाळी १० ते १२ या वेळेत ह.भ.प.जनार्धन महाराज चलवाड (श्री.जगद्‌गुरू तुकोबाराय पावनधाम, औरंगपुर) यांची किर्तन सेवा संपन्न झाली. तर दुपारी १२ ते २ या वेळेत प्रसिद्ध गायक सुभाष शेप व गायक रफिक भाईजान, मयुरी यांच...

केज मतदारसंघात अतिवृष्टी होवून शेतकऱ्यांचे नुकसान ; सरसकट अनुदान व पीक विमा द्या - ऍड.शिवाजी कांबळे समाजवादी पार्टीचे मुख्यमंत्र्यांना निवेदन ================================= अंबाजोगाई (लोकनायक मिडिया न्युज नेटवर्क) बीड जिल्ह्यातील केज विधानसभा मतदारसंघातील सर्वच गावांमध्ये अतिवृष्टी होवून शेतकऱ्यांचे प्रचंड नुकसान झाले आहे. त्यामुळे शेतकऱ्यांना सरसकट नुकसान भरपाईचे अनुदान व पीक विमा द्यावा अशी मागणी समाजवादी पार्टीचे प्रदेशसचिव ऍड.शिवाजी कांबळे यांनी राज्याचे मुख्यमंत्री यांना उपविभागीय अधिकारी, अंबाजोगाई यांच्या मार्फत गुरूवार, दिनांक ५ सप्टेंबर २०२४ रोजी दिलेल्या निवेदनातून केली आहे. समाजवादी पार्टीचे प्रदेशसचिव ऍड.शिवाजी कांबळे यांनी राज्याचे मुख्यमंत्री यांना गुरूवारी दिलेल्या निवेदनात नमूद केले आहे की, केज विधानसभा मतदारसंघातील अंबाजोगाई, केज, नेकनूर या भागात अती पाऊस होवून शेतकऱ्यांचे फार नुकसान झालेले असून शेतकरी ऑनलाईन तक्रारी करू शकत नाही. तसेच पंचनामा करण्यात वेळ जाणार आहे. त्यामुळे शेतकऱ्यांचा पिक विमा भरणा केलेल्या कंपनीने ऑनलाईन तक्रार बंधनकारक करू नये. गावात मंडळ अधिकार...

केंद्रिय राज्यमंत्री ना.मुरलीधर मोहोळ यांची भाजपा प्रवक्ते राम कुलकर्णी यांच्या निवासस्थानी सदिच्छा भेट केंद्रिय राज्यमंत्री ना.मोहोळ यांच्याकडून स्व.गोपीनाथराव मुंडे यांच्या आठवणीला उजाळा ================================= अंबाजोगाई (लोकनायक मिडिया न्युज नेटवर्क) भारत सरकारचे विमान वाहतूक तथा सहकार राज्यमंत्री ना.मुरलीधर अण्णा मोहोळ यांनी भाजपाचे प्रदेश प्रवक्ते राम कुलकर्णी यांच्या निवासस्थानी सदिच्छा भेट दिली, यावेळी घरातील दर्शनी भागात स्वर्गीय गोपीनाथराव मुंडे यांची प्रतिमा दिसताच मोहोळ नतमस्तक झाले. मुंडे साहेबांच्या जुन्या अनेक प्रसंगांना त्यांनी उजाळा दिला. केंद्रीय मंत्री मुरलीधर अण्णा मोहोळ हे विधानसभा निवडणूक पार्श्वभूमीवर लातूर जिल्ह्यातील काही मतदारसंघाचा संघटनात्मक आढावा घेण्यासाठी आले होते. अंबाजोगाई येथे श्री योगेश्वरी देवीच्या दर्शनासाठी आल्यानंतर त्यांनी भाजपा प्रदेश प्रवक्ते राम कुलकर्णी यांच्या घरी सदिच्छा भेट दिली. या भेटी दरम्यान घरात प्रवेश करताच दर्शनी भागात त्यांना स्वर्गीय गोपीनाथराव मुंडे यांची प्रतिमा दिसली, तेव्हा नतमस्तक होऊन त्यांनी दर्शन घेतले. औपचारिक गप...

🔸 सुदर्शन रापतवार यांनी लिहिलेल्या तीन पुस्तकांचे १५ सप्टेंबर रोजी प्रकाशन 🔹 कृषीमंत्री ना.धनंजय मुंडे, खा.रजनीताई पाटील, डॉ.वृषालीताई किन्हाळकर, आ.नमिताताई मुंदडा, राजकिशोर मोदी यांची उपस्थिती ================================== अंबाजोगाई (लोकनायक मिडिया न्युज नेटवर्क) ज्येष्ठ पत्रकार सुदर्शन रापतवार यांनी लिहिलेल्या "असामान्य", "सहज सुचलं म्हणून" आणि "मंदीराचे गाव" या तीन पुस्तकांच्या प्रकाशन सोहळा १५ सप्टेंबर रोजी सायंकाळी ४ वाजता नगरपरिषदेच्या आद्यकवी मुकुंदराज सांस्कृतिक सभागृहात आयोजित करण्यात आला आहे. या सोहळ्यास साहित्य प्रेमींनी मोठ्या संख्येने उपस्थित राहावे असे आवाहन लेखक सुदर्शन रापतवार, माध्यम पब्लिकेशन आणि माध्यम डिजिटल न्यूज नेटवर्क यांच्या वतीने करण्यात आले आहे. या तीन पुस्तकांच्या प्रकाशन सोहळ्यासाठी राज्याचे कृषीमंत्री तथा बीड जिल्ह्याचे पालकमंत्री ना.धनंजय मुंडे, राज्यसभा खासदार सौ.रजनीताई पाटील, ज्येष्ठ साहित्यिक डॉ.वृषालीताई किन्हाळकर, आ.नमिताताई मुंदडा आणि महाराष्ट्र राज्य स्थानिक स्वराज्य संस्थेचे उपाध्यक्ष राजकिशोर मोदी हे उपस्थित ...

यशवंतराव चव्हाण स्मृती समितीचा उपक्रम ; स्व.भगवानराव लोमटे स्मृती राज्य पुरस्कार ख्यातनाम नाटककार, नट, दिग्दर्शक पद्मश्री सतीश आळेकर यांना जाहीर =================================== अंबाजोगाई (लोकनायक मिडिया न्युज नेटवर्क) यशवंतराव चव्हाण स्मृती समितीच्या वतीने दरवर्षी  समाजकारण, साहित्य, संगीत, सांस्कृतिक, सहकार, शिक्षण, नाटक, सिनेमा आदी क्षेत्रात उतुंग कार्य केलेल्या एका मान्यवरास स्व.भगवानरावजी लोमटे यांच्या स्मृतिपित्यर्थ दरवर्षी हा पुरस्कार दिला जातो. यावर्षी हा १२ वा पुरस्कार  संगीत नाटक अकादमी पुरस्कार प्राप्त पद्मश्री सतीश आळेकर (पुणे) यांना दिला जाणार आहे.  पद्मश्री सतीश आळेकर हे गेली पन्नास वर्षांपेक्षा आधिक काळ नाटककार म्हणून सर्वदूर परिचित आहेत. त्याचबरोबर सिनेमा पटकथा लेखन त्यांनी केलेलं आहे. नाटक व सिनेमात त्यांनी अभिनयाबरोबरच उत्तम दिग्दर्शक म्हणून त्यांचे कार्य रसिकांच्या मनामनात आहे. जीवरसायन शास्त्रात त्यांनी पदवी प्राप्त केली आणि अगदी तारुण्याच्या उंबरठ्यावर ते नाटक लिहिणे आणि नाट्य चळवळ गतिमान करण्यात यशस्वी झाले. त्यांची मिकी आणि मेमसाहेब, महानिर्वाण, ...

कमी वय आणि वजन तसेच फुफ्फुसे कमजोर असलेल्या बाळाला अंबाजोगाई येथील लाड हॉस्पिटलने दिले जीवदान ================================== अंबाजोगाई (लोकनायक मिडिया न्युज नेटवर्क) जन्मावेळी कमी महिने भरलेले, २६ आठवडे वय, वजन ९०० चे ग्रॅम, त्यात ही गंभीर बाब म्हणजे फुफ्फुस कमजोर असलेल्या बाळाला डॉ.लाड यांच्या योग्य निदान आणि औषधोपचारामुळे लाड रूग्णालयात जीवदान मिळाले. आपले बाळ सुखरूप आहे. हे पाहून बाळाच्या पालकांच्या चेहऱ्यावर मोठा आनंद झळकत होता. याबाबत अधिक माहिती देताना लाड हॉस्पिटलच्या प्रमुख डॉ.लाड यांनी सांगितले की, जन्मावेळी कमी महिने भरलेले, २६ आठवडे वय, वजन फक्त ९०० ग्रॅम, त्यात ही गंभीर बाब म्हणजे फुफ्फुसे कमजोर असलेल्या परळी वैजेनाथ येथे आईचे सिझर ऑपरेशन झाल्यानंतर नवजात बाळाला श्वास घ्यायला त्रास होत होता. म्हणून अंबाजोगाईच्या लाड हॉस्पिटल मध्ये आणण्यात आले. त्या बाळाच्या प्रथम सर्व तपासण्या केल्यानंतर समजले की, त्या बाळाचे फुफ्फुस हे खूपच कमजोर आहे. नाड्या लागत नव्हत्या, त्यानंतर लाड हॉस्पिटलकडून आम्ही ही गंभीर बाब बाळाच्या पालकांना निदर्शनास आणून दिली. योग्य निदान केले. काय औषधोपचार...