अखेर ठरलं..! ॲड.शंकर चव्हाण परळी मतदारसंघातूनच विधानसभेची निवडणूक लढणार

अखेर ठरलं..! ॲड.शंकर चव्हाण परळी मतदारसंघातूनच विधानसभेची निवडणूक लढणार 

तरूणांना रोजगार, परळीला आयटी हब व गावांना स्मार्ट विलेज बनविण्याचा निर्धार

===================================

परळी वैजनाथ | लोकनायक मिडिया न्युज नेटवर्क 

अनेक दिवसांपासून सोशल मिडीयावर चर्चेत असलेले ॲड.शंकर चव्हाण यांच्या विधानसभा मतदार संघाबाबतचा तिढा अखेर सुटला असून ॲड.शंकर चव्हाण यांचं परळी विधानसभा मतदारसंघातूनच निवडणूक लढविणार असल्याचं अखेर ठरलं आहे. परळी विधानसभा मतदार संघातूनच निवडणूक लढणार यावर शिक्कामोर्तब झाले असल्याचं एका प्रसिध्दीपत्रकाच्या माध्यमातून स्पष्ट झालं आहे.

परळी विधानसभा मतदारसंघातून २०२४ ची आमदारकी संपूर्ण ताकतीनिशी लढवणार असल्याचं त्यात जाहीर करण्यात आलं आहे. त्या प्रसिद्धपत्रकामध्ये तरूणांना रोजगार, परळीला आयटी हब व गावांना स्मार्ट व्हिलेज बनविण्याचा निर्धार तसेच संपूर्ण मतदारसंघाचा चेहरा मोहरा बदलून टाकणार असल्याचंही त्यात नमूद केले आहे. येणाऱ्या काळामध्ये परळीच नव्हे तर संपूर्ण मराठवाडा आयटी हब करण्याचा व येथील तरूणांना रोजगार देण्याचा संकल्प ॲड.शंकर चव्हाण यांनी प्रसिद्धीपत्रकाच्या माध्यमातून जाहीर केला आहे. गेल्या अनेक वर्षांपासून मराठवाडा हा रोजगाराच्या संधी पासून वंचित राहिला आहे. देशाच्या नकाशावर असणारा बीड जिल्हा हा कायम उसतोड कामगारांचा व मजुरांचा जिल्हा म्हणून ओळख राहिली आहे. पण, आता ॲड.शंकर चव्हाण यांच्या विकासात्मक धोरण या माध्यमातून ही ओळख पुसली जाणार आहे. यापुढे रोजगार करण्यासाठी मेट्रोसिटी मध्ये तरूणांना संधी शोधत जावे लागणार नाही. स्थानिक तसेच मराठवाडयातील तरूणांना इतरत्र कुठेही रोजगारासाठी जावे लगणार नाही असे प्रसिध्दीपत्रकाच्या माध्यमातून ॲड.शंकर चव्हाण यांनी परळी विधानसभेच्या मतदारसंघातील जनतेला आश्वासित केल्याचे दिसून येते. शेतमालालाही हमीभाव मिळत नसल्याने बळीराजाला नेहमीच आर्थिक संकटांना सामोरे जावे लागत आहे. बळीराजाच्या अशा प्रकारच्या गंभीर प्रश्नावर सुध्दा ॲड.शंकर चव्हाण हे विधीमंडळात आवाज उठविणार असल्याचं त्या प्रसिध्दीपत्रकामध्ये नमूद आहे. तसेच परळी विधानसभा मतदारसंघातील तरूण वर्गामधून ॲड.शंकर चव्हाण यांना सोशल मिडीयाच्या माध्यमातून मोठ्या प्रमाणामध्ये सकारात्मक पसंती मिळत असल्याचे ही चित्र सध्या पहावयास मिळत आहे.

===================================