लोकनायक मिडिया

संतश्रेष्ठ श्री भगवानबाबा जयंती उत्सव समितीच्या अध्यक्षपदी बाळासाहेब सोनवणे यांची निवड जयंती उत्सव समितीच्या वतीने विविध उपक्रमांचे आयोजन ================================== अंबाजोगाई (लोकनायक मिडिया न्युज नेटवर्क) येथील संतश्रेष्ठ श्री भगवानबाबा सार्वजनिक जयंती उत्सव समितीच्या अध्यक्षपदी तालुक्यातील डिघोळ आंबा ग्रामपंचायतीचे सरपंच बाळासाहेब सोनवणे यांची तर उपाध्यक्ष म्हणून प्रविण शेप व प्रशांत शेप यांची सर्वानुमते निवड करण्यात आली आहे. सदर निवडींचे मित्र परिवारासह सर्वस्तरांतून स्वागत होत आहे. दरम्यान येत्या ६ ऑगस्ट रोजी जयंती उत्सव सोहळा असून त्या निमित्ताने विविध उपक्रमांचे आयोजन करण्यात आल्याची माहिती जयंती उत्सव समितीचे नवनिर्वाचित अध्यक्ष सोनवणे यांनी दिली आहे. संतश्रेष्ठ श्री भगवानबाबा सार्वजनिक जयंती उत्सव समितीच्या वतीने सुप्रसिद्ध किर्तनकार समाधान महाराज शर्मा यांचे भव्य किर्तन ४ ऑगस्ट रोजी सायंकाळी ६ वाजता आद्यकवी मुकूंदराज सभागृहात होणार आहे. येत्या ६ ऑगस्ट रोजी संतश्रेष्ठ श्री भगवानबाबा यांची जयंती असून जिल्हाभरात त्या अनुषंगाने उत्सव साजरा करण्याची तयारी सर्वत्र सुरू झाली....

जीवनात यशस्वी होण्यासाठी सॉफ्ट स्किल्सची आवश्यकता - विश्वविक्रमवीर सर नागेश जोंधळे यांचे प्रतिपादन अधिष्ठाता डॉ.बाबासाहेब ठोंबरे यांच्या पुढाकाराने आयोजित सॉफ्ट स्किल्स व व्यक्तिमत्व परिवर्तन कार्यशाळेस विद्यार्थी व प्राध्यापकांचा उत्स्फूर्त प्रतिसाद =================================== लातूर (लोकनायक मिडिया न्युज नेटवर्क) आपल्या दैनंदिन व व्यावहारिक जीवनात इतर लोकांशी संवाद साधताना व त्यांच्या समवेत काम करताना आपण स्वतःला किती चांगल्या प्रकारे सादर करू शकतो व त्या परिस्थितीला हाताळू शकतो हे आपल्यातील सॉफ्ट स्किल्स अर्थातच मृदु कौशल्यांवर अवलंबून असते. आपणांस वैयक्तिक व व्यावसायिक जीवनात हमखास यश मिळवायचे असेल तर स्वतःमध्ये सॉफ्ट स्किल्स अर्थात मृदू कौशल्यांचा विकास करण्यासाठी ची आवश्यकता असल्याचे प्रतिपादन सुप्रसिद्ध प्रेरणादायी वक्ते व विश्वविक्रमवीर सर नागेश जोंधळे यांनी विलासराव देशमुख कृषि जैवतंत्रज्ञान महाविद्यालयाचा जिमखाना विभाग, विद्यार्थी समुपदेशन व रोजगार कक्षाच्या वतीने आयोजित सॉफ्ट स्किल्स व व्यक्तिमत्व परिवर्तन या एक दिवसीय कार्यशाळेत केले. यावेळी व्यासपीठावर कार्यक्रमाचे ...

तंत्रशिक्षण मंडळाच्या उन्हाळी परीक्षेत टी.बी.गिरवलकर पॉलिटेक्निकचे घवघवीत यश ▪️ दोन नवीन अभ्यासक्रमास मंजुरी ================================ अंबाजोगाई (लोकनायक मिडिया न्युज नेटवर्क) येथील महात्मा बसवेश्वर शिक्षण संस्था संचलित, टी.बी.गिरवलकर पॉलिटेक्निकच्या, विद्यार्थ्यांनी उन्हाळी परीक्षा - २०२४ मध्ये झालेल्या परीक्षेत पॉलिटेक्निकच्या निकालाची परंपरा कायम ठेवत घवघवीत यश संपादन केले. कॉम्प्यूटर इंजिनीअरींग शाखेचा निकाल शंभर टक्के इलेक्ट्रीकल इंजिनीअरींग शाखेचा निकाल ९५ टक्के, मेकॅनिकल इंजिनिअरींग शाखेचा निकाल ७५ टक्के एवढा लागला आहे. तर कॉम्प्यूटर इंजिनीअरींग शाखेतून तृतीय वर्षाचा विद्यार्थी ओम संजय बुरांडे या विद्यार्थ्यांने ९४.४७ टक्के गुण मिळवून महाविद्यालयातून प्रथम क्रमांक मिळविला आहे. कॉम्प्यूटर इंजिनीअरींग शाखेतील तृतीय वर्षात प्रियंका मुरलीधर मुंडे (९१.१८ टक्के), मानसी ज्ञानेश्वर जगताप (८९.२० टक्के), द्वितीय वर्ष कॉम्प्यूटर शाखेतून अभिषेक सखाराम सुरवसे (९१.०७ टक्के), स्नेहल सुधाकर पवार (८८.१३ टक्के), अंजली सुधीर गवळी (८५.४७ टक्के), प्रथम वर्ष कॉम्प्यूटर इंजिनीअरींग क्षितिजा आत्...

शेतकऱ्यांनी स्वयंपूर्ण कुटुंब संकल्पनेचा अवलंब करावा - डॉ.बाबासाहेब ठोंबरे जवळबन येथे शेतकरी मेळाव्याचे आयोजन  ================================= अंबाजोगाई (लोकनायक मिडिया न्युज नेटवर्क) ग्रामीण संस्कृतित कृषिचे अनन्यसाधारण महत्त्व व योगदान असून दिवसेंदिवस शेती व्यवसायास प्रतिकूल होत जाणाऱ्या नैसर्गिक परिस्थितीत शेतकऱ्यांनी हवामान बदलास अनुकूल पिक पद्धतीचा अवलंब करावा. कृषि, पशुधन व मानव हे एकमेकांस पूरक निसर्गचक्र असून ते सकारात्मक दिशेने गतिमान करणे आवश्यक आहे. असे उद्गार कृषि महाविद्यालय लातूर व विलासराव देशमुख कृषि जैवतंत्र महाविद्यालय लातूरचे अधिष्ठाता डॉ.बाबासाहेब ठोंबरे यांनी काढले. ते कै.भानुदासराव बाबुराव करपे यांच्या पाचवे पुण्यस्मरण दिनानिमित्त बुधवार, दि.०३ जुलै रोजी आयोजित केलेल्या भव्य शेतकरी मेळाव्यात अध्यक्ष म्हणून बोलत होते. प्रमुख मार्गदर्शक म्हणून गटशेतीचे प्रणेते तथा केशर आंबा लागवड व निर्यात अभ्यासक भगवानराव कापसे होते तर प्रमुख अतिथी म्हणून महाकेशरचे संस्थापक अध्यक्ष सुशिल बलदवा व माजी सहाय्यक वनसंरक्षक शिवाजी गिरी, डॉ.शिवाजी मस्के, अच्युतराव गंगणे, ऍड.विश्वनाथ...

मुख्यमंत्री माझी लाडकी बहिण योजनेचा लाभ घ्या - भीमसेन आप्पा लोमटे यांचे आवाहन प्रभाग क्रमांक चार मध्ये विशेष मोहीम राबविणार ================================= अंबाजोगाई (लोकनायक मिडिया न्युज नेटवर्क) राज्याचे मुख्यमंत्री एकनाथराव शिंदे यांनी शुक्रवार, दिनांक २८ जुन रोजी मुख्यमंत्री माझी लाडकी बहिणी योजनेची घोषणा केली. या योजनेअंतर्गत महिलांना १५००/ रूपये महीना सुरू करण्यात येईल. त्यामुळे अंबाजोगाई शहरासह प्रभाग क्रमांक ४ मधील महिला, भगिनी यांनी सदरील योजनेचा जास्तीत जास्त लाभ घ्यावा असे आवाहन युवा कार्यकर्ते भीमसेन आप्पा लोमटे यांनी केले आहे. याबाबत आवाहन करताना भीमसेन आप्पा लोमटे यांनी सांगितले आहे की, राज्य सरकारने संपूर्ण महाराष्ट्रामध्ये मुख्यमंत्री माझी लाडकी बहिण योजना घोषित केलेली आहे. या योजनेअंतर्गत महिलांच्या बॅंक खात्यामध्ये थेट १५००/ रूपये जमा होणार आहेत. ही योजना याच महिन्यात चालू होणार आहे. सदर योजना महिला व बालकल्याण विभागाअंतर्गत राबविली जात आहे. याच्या अटी व शर्थी पुढीलप्रमाणे आहेत. सरकारने या योजनेसाठी अर्ज करण्याची मुदत ३१ ऑगस्ट २०२४ पर्यंत वाढविली आहे. ३१ ऑगस्टपर्यंत...

बीड जिल्ह्यातील स्मार्ट प्रिपेड मीटरचे टेंडर रद्द करा - समाजवादी पार्टीचे प्रदेशसचिव ऍड.शिवाजी कांबळे समाजवादी पार्टीचे मुख्यमंत्र्यांना निवेदन ================================ अंबाजोगाई (लोकनायक मिडिया न्युज नेटवर्क) बीड जिल्ह्यातील स्मार्ट प्रिपेड मीटरचे टेंडर रद्द करावे अशी मागणी समाजवादी पार्टीचे प्रदेशसचिव ऍड.शिवाजी कांबळे यांनी राज्याचे मुख्यमंत्री यांना उपविभागीय अधिकारी, अंबाजोगाई यांच्या मार्फत मंगळवार, दिनांक २ जुलै २०२४ रोजी दिलेल्या निवेदनातून केली आहे. प्रीपेड मीटर्स हटाव, प्रीपेड योजना रद्द करा, प्रीपेड मीटर्स घेणार नाही, केवळ घोषणा आणि आश्वासन देणाऱ्या राज्य सरकारचा आणि कंपनीचा धिक्कार असो, प्रीपेड मीटर्सचा कायदा, अदानीचा फायदा अशा विविध घोषणा सुरूवातीस देण्यात आल्या त्यानंतर समाजवादी पार्टीचे प्रदेशसचिव ऍड.शिवाजी कांबळे यांनी राज्याचे मुख्यमंत्री यांना मंगळवारी दिलेल्या निवेदनात नमूद केले आहे की, बीड जिल्ह्यातील स्मार्ट प्रिपेड मीटर बसविण्याचे टेंडर रद्द करण्यात येवून महावितरण कंपनीकडून वीज ग्राहकांचे सध्याचे मीटर काढून विनाकरण वीज ग्राहकांची लुट करण्यात येत आहे. सध्याच...

ज्येष्ठ नागरिकांसाठी उपक्रम राबविणार - अध्यक्ष ऍड.अनंतराव जगतकर ज्येष्ठ नागरिक संघाची वार्षिक सर्वसाधारण सभा ======================= अंबाजोगाई (लोकनायक मिडिया न्युज नेटवर्क) येथील ज्येष्ठ नागरिक संघाची वार्षिक सर्वसाधारण सभा कुणबी विकास मंच सभागृह, मुकुंदराज रोड येथे रविवार, दिनांक ३० जून रोजी आयोजित करण्यात आली होती. या सभेच्या अध्यक्षस्थानी संघाचे अध्यक्ष ऍड.अनंतराव जगतकर हे होते. तर व्यासपीठावर पुंडलिक पवार, मनोहर कदम, कोषाध्यक्ष श्रीरंग चौधरी, सचिव लक्ष्मणराव गोरे, उद्धवराव बापू आपेगावकर, नारायणराव केंद्रे, पद्माकर सेलमोकर, दत्तात्रय आंबाड, सहसचिव शिवाजी शिंदे इत्यादी पदाधिकारी व मान्यवर उपस्थित होते. सभेची सुरूवात सानेगुरूजींच्या प्रार्थनेने झाली.‌ जुन महिन्यात ज्यांचा वाढदिवस आहे अशा ४० ज्येष्ठांचे मान्यवरांच्या हस्ते गुलाबपुष्प देवून अभिष्टचिंतन आणि नवीन सदस्यांचे स्वागत करण्यात आले. गत आर्थिक वर्षातील सर्व क्षेत्रातील दिवंगतांना श्रद्धांजली अर्पण करण्यात आली. व्यासपीठावरील मान्यवरांच्या स्वागतानंतर कोरम अभावी अर्धा तास सभा तहकूब करून पुढे अध्यक्षांच्या परवानगीने सभा पुन्हा सुरू...

महाराष्ट्र नवनिर्माण सेनेच्या 'जोडे घाला आंदोलनाने तहसील परिसर दणाणला तलाठ्यांनी नेमून दिलेल्या सज्जावरूनच कामकाज करावे ; शहरातील खाजगी कार्यालये तात्काळ बंद करा - उपजिल्हाध्यक्ष सुनिल जगताप =================================== अंबाजोगाई (लोकनायक मिडिया न्युज नेटवर्क) अंबाजोगाई तालुक्यातील सर्व तलाठ्यांनी त्यांच्या नेमून दिलेल्या सज्जावरच राहुन कामकाज करावे, तलाठ्यांनी शहरातील त्यांचे खाजगी कार्यालये तात्काळ बंद करावीत. या प्रमुख मागणी करीता तहसिल कार्यालयासमोर महाराष्ट्र नवनिर्माण सेनेच्या वतीने उपजिल्हाध्यक्ष सुनिल जगताप यांच्या नेतृत्वाखाली मंगळवारी 'जोडे घाला आंदोलन' करण्यात आले. या आंदोलनाने तहसील परिसर दणाणून गेला होता. महाराष्ट्र नवनिर्माण सेनेच्या वतीने सन २०२२ ते आजतागायत पर्यंत सदरील विषयाचा पाठपुरावा सुरू आहे. याबाबत २४ जुन २०२४ रोजी आंदोलनाचा इशारा देण्यात आला होता. त्यांनंतर मागील ८ दिवसांपासून उपजिल्हाध्यक्ष सुनिल जगताप यांनी सोशल मीडियावरून तालुक्यातील तलाठी सज्जांच्या बंद इमारतीचे फोटो, व्हिडिओ, माहिती शेयर करून जनतेला आवाहन व जनजागृती केली. महसूल प्रशासनाने ...

एक विद्यार्थी 5 वृक्ष संकल्पना आवश्यक - डॉ.बाबासाहेब ठोंबरे कृषि महाविद्यालयात कृषि दिन वृक्ष दिंडी काढून साजरा  =============================== लातूर (लोकनायक मिडिया न्युज नेटवर्क) दि.1 जुलै सोमवार रोजी कृषि महाविद्यालय, लातूर अंतर्गत राष्ट्रीय सेवा योजना, जिमखाना व समाजिक वनीकरण विभाग, लातूर यांच्या संयुक्त विद्यमाने हरितक्रांतीचे प्रणेते व महाराष्ट्राचे माजी मुख्यमंत्री वसंतराव नाईक यांच्या जयंतीनिमित्त कृषि महाविद्यालयाचे अधिष्ठाता डॉ.बाबासाहेब ठोंबरे यांच्या मार्गदर्शनाखाली वृक्षदिंडीचे आयोजन करण्यात आले होते. यावेळी अध्यक्षीय मार्गदर्शनपर डॉ.बाबासाहेब ठोंबरे म्हणाले की प्रत्येक महाविद्यालयामध्ये एक विद्यार्थी ५ वृक्ष ही संकल्पना आवश्यक आहे. यात एक पेड मॉं के नाम, एक पेड पिता के नाम, एक पेड गुरू के नाम, एक पेड दोस्त के नाम और एक पेड खुद के नाम हे उपक्रम राबविण्यात येत आहे. वृक्षदिंडीचा 16 वा व वट वृक्षाचा 24 वा वाढदिवस 600 विद्यार्थी व विद्यार्थिनीच्या उपस्थितीत साजरा झाला. 3 लक्ष वृक्षांचे संवर्धन करण्यात येत आहे. यातून 100 दशलक्ष टन ऑक्सिजनची प्रतिदिन निर्मिती होणार असल्य...

योगेश्वरी देवल कमिटीच्या नविन विश्वस्तांची झालेली निवड तात्काळ रद्द करा सर्वपक्षीयांचे ठिय्या आंदोलन ; तहसीलदारांना निवेदन ==================================  अंबाजोगाई (लोकनायक मिडिया न्युज नेटवर्क) महाराष्ट्राची कुलस्वामिनी असलेल्या श्रीक्षेत्र माता योगेश्वरी देवी देवल कमिटीच्या नविन विश्वस्तांची झालेली निवड तात्काळ रद्द करा अशी मागणी सर्वपक्षीय नेते, कार्यकर्ते आणि भाविकांनी मागील काही दिवसांपासून सातत्याने केली आहे. याप्रश्नी सोमवार, दिनांक १ जुलै रोजी सर्वपक्षीयांच्या वतीने तहसील कार्यालयासमोर काही काळ ठिय्या आंदोलन करण्यात आले. व तहसीलदार, अंबाजोगाई तथा अध्यक्ष, योगेश्वरी देवल कमिटी यांना निवेदन देण्यात आले. तहसीलदार, अंबाजोगाई तथा अध्यक्ष, योगेश्वरी देवल कमिटी यांना देण्यात आलेल्या निवेदनात नमूद करण्यात आले आहे की, संपुर्ण महाराष्ट्राची कुलस्वामीनी असलेल्या अंबाजोगाईच्या श्री.योगेश्वरी देवीच्या विश्वस्त मंडळाची मुदत संपल्यामुळे नवीन विश्वस्त मंडळ भाविकांमधून निवड करण्याचे आदेश मा.सहाय्यक धर्मादाय आयुक्त, बीड यांनी दिले. या आदेशानुसार अंबाजोगाई शहरातील स्थानिक रहिवासी असलेल्य...

प्राचार्य राजाभाऊ धाट यांनी समर्पित भावनेतून सेवाकार्य केले - सूर्यकांत केळकर यांचे गौरवोद्गार शाश्वत विकासासाठी प्राचार्य धाट यांचे मौलिक कार्य - सतिश मराठे सहस्त्रचंद्र दर्शन समारोहातून घडले नि:स्वार्थ ध्यासपूर्ण समर्पणाचे दर्शन ================================= अंबाजोगाई (लोकनायक मिडिया न्युज नेटवर्क) एक बहुआयामी व्यक्तिमत्त्व म्हणून ज्यांची महाराष्ट्रात सर्वदूर ख्याती आहे. विद्यार्थीप्रिय आणि प्रयोगशील प्राचार्य म्हणून ज्यांचा आजही नांवलौकिक आहे. व ज्यांनी शिक्षणासोबतच वित्त, ग्रामीण आणि कृषी विकास, अ.भा.वि.प., सहकार भारती अशा विविध क्षेत्रातील संस्था आणि सेवाकार्याच्या उभारणीत तसेच विकास कार्यात आपले महत्त्वपूर्ण योगदान दिले आहे. त्या प्राचार्य राजाभाऊ धाट यांच्या बहुमोल कार्याविषयीची कृतज्ञता व्यक्त करण्यासाठी अंबाजोगाई शहरात प्राचार्य धाट यांचे चाहते, विद्यार्थी, कुटुंबिय व विविध क्षेत्रातील सहकारी यांनी एकत्रित येत समारोह समितीच्या माध्यमातून सहस्त्रचंद्र दर्शन समारोहाचे रविवार, दिनांक ३० जून २०२४ रोजी आयोजन केले होते. अंबाजोगाई शहरात प्रख्यात प्राचार्य राजाभाऊ गोपाळराव धाट यां...