कर्मवीर ऍड.एकनाथराव (जिजा) आवाड यांच्या स्मृतीदिनानिमित्त अंबाजोगईत आज राज्यस्तरीय विद्रोही कार्यकर्ता पुरस्कार वितरण व व्याख्यान
युवा प्रतिष्ठान, अंबाजोगाईचा पुढाकार
===================================
अंबाजोगाई (लोकनायक मिडिया न्युज नेटवर्क)
शोषित, पिडीत व उपेक्षितांच्या न्याय हक्कांसाठी शासन, प्रशासन व प्रस्थापितांच्या विरोधात बंड करून सर्वसामान्य व्यक्तींना न्याय मिळवून देण्यासाठी आयुष्य झिजविणारे कर्मवीर ऍड.एकनाथराव (जिजा) आवाड यांच्या स्मृतीदिनानिमित्त महाराष्ट्रात उपेक्षित माणसांच्या न्याय हक्कासाठी काम करणाऱ्या कार्यकर्त्याला प्रेरणा मिळावी. यासाठी युवा प्रतिष्ठान, अंबाजोगाई यांच्या वतीने समाजात प्रबोधन करणारे, धम्म चळवळ गतीमान करून योगदान देणारांना हा पुरस्कार दिला जातो. पुरस्काराचे हे ९ वे वर्ष आहे. कर्मवीर ऍड.एकनाथराव आवाड राज्यस्तरीय विद्रोही कार्यकर्ता पुरस्कार-२०२५ चे वितरण व मान्यवरांचे व्याख्यान आज शनिवार, दि.२४ मे २०२५ रोजी आयोजित करण्यात आले आहे.
या कार्यक्रमाच्या अध्यक्षस्थानी प्रा.डॉ.विजय कुमठेकर (जालना) तर उद्घाटक म्हणून दिपक वजाळे (उपजिल्हाधिकारी, अंबाजोगाई.) हे असणार आहेत. यावेळी मानवी हक्क अभियानचे राष्ट्रीय अध्यक्ष प्रा.डॉ.मिलींद आवाड (जे.एन.यु.दिल्ली) यांची विशेष उपस्थिती लाभणार आहे. या प्रसंगी लक्ष्मीकांत शिंदे (पुर्णा) यांना 'राज्यस्तरीय विद्रोही कार्यकर्ता पुरस्कार - २०२५' देवून सन्मानित करण्यात येणार आहे. या प्रसंगी प्रमुख अतिथी म्हणून दत्त सेवाभावी संस्थेचे अध्यक्ष प्रशांत दहिफळे, सचिन बगाडे (अध्यक्ष, सत्यशोधक बहुजन आघाडी.), संतोष नरसिंगे (सि.ओ.महानेता ग्रुप.), शितल लांडगे (अध्यक्ष, स्वप्नपूर्ती सेवाभावी संस्था, केज) हे मान्यवर उपस्थित राहणार आहेत. अंबाजोगाई येथे आज शनिवार, दि.२४ मे रोजी दुपारी २ वाजता स्व.विलासरावजी देशमुख नगरपरिषद सभागृहात हा कार्यक्रम आयोजित करण्यात आला आहे. तरी या कार्यक्रमासाठी अंबाजोगाई शहर व परिसरातील नागरिकांनी उपस्थित रहावे असे आवाहन युवा प्रतिष्ठाणचे अध्यक्ष व आयोजक अशोक पालके, नकेश कांबळे, धीमंत राष्ट्रपाल, हनुमंत गायकवाड, अविनाश हजारे, नवनाथ हारे, अक्षय भुंबे, नितीन वाघमारे, दत्ता पालके, हनुमंत रणदिवे, बळीराम उपाडे, रेखा सरवदे, महेश जोगदंड, विजय कांबळे, दशरथ कांबळे, दिपक पालके, राम जोगदंड, प्रशांत भालेराव, प्रदीप कांबळे, सुंदर खाडे, दिलीप पालके, अरूण शिंदे, किशोर वाघमारे, मारूती मस्के, काशिनाथ कांबळे, अशोक आगळे, बाळासाहेब हारे, रानबा गव्हाणे आदींनी केले आहे.
================================
Comments
Post a Comment