बसपाचे बीड लोकसभा मतदारसंघातील उमेदवार डॉ.सिध्दार्थ टाकणकरांनी नोंदविला आक्षेप

बसपाचे बीड लोकसभा मतदारसंघातील उमेदवार डॉ.सिध्दार्थ टाकणकरांनी नोंदविला आक्षेप

उमेदवारांच्या अनुक्रमांकाबाबत निकष ठरविण्याची केली मागणी

==================================

बीड (लोकनायक मिडिया न्युज नेटवर्क)

बीड लोकसभा मतदारसंघा मध्ये निवडणूक लढविणाऱ्या राष्ट्रीय आणि राज्यस्तरीय मान्यताप्राप्त राजकीय पक्षाच्या उमेदवारांच्या यादीतील अनुक्रमांकाबाबत बहुजन समाज पार्टीचे बीड लोकसभा मतदारसंघातील उमेदवार डॉ.सिध्दार्थ राजेंद्र टाकणकर यांनी आक्षेप नोंदविला आहे. याबाबत डॉ.टाकणकर यांनी राज्याचे मुख्य निवडणुक अधिकारी यांच्याकडे उमेदवारांच्या अनुक्रमांकाबाबत निकष ठरविण्याची मागणी मंगळवार, दिनांक ३० एप्रिल रोजी दिलेल्या निवेदनातून केली आहे.

याबाबत अधिक माहिती अशी की, सध्या ३९-बीड लोकसभा मतदारसंघात सार्वत्रिक निवडणूक प्रक्रिया सुरू झाली आहे. यासाठी संदर्भीय पत्रान्वये निवडणूक निर्णय अधिकारी ३९-बीड लोकसभा मतदारसंघ यांचे पत्र क्र. जा.क्र.२०२४/नि.नि.अ./३९-बीड/का.वि.दि. २९/०४/२०२४ नुसार ३९-बीड लोकसभा मतदारसंघात निवडणूक लढविणाऱ्या उमेदवारांची यादी त्यांच्या चिन्हासहीत संदर्भीय पत्रान्वये दि.२९/०४/२०२४ रोजी प्रसिद्ध केलेली आहे. या पत्रासोबत नमुना ७-अ मध्ये राष्ट्रीय आणि राज्यस्तरावरील मान्यता प्राप्त राजकीय पक्षांच्या उमेदवारांची यादी ही प्रसिद्ध केली आहे. यात बहुजन समाज पार्टी हा राष्ट्रीय पक्ष असून सुद्धा त्यास राज्यस्तरीय मान्यता प्राप्त राजकीय पक्षांच्या उमेदवारांच्या खाली स्थान दिलेले आहे. अनुक्रमांक २ वर राज्यस्तरीय राजकीय पक्षाच्या उमेदवाराचे नांव असून बहुजन समाज पार्टी या राष्ट्रीय पक्षाच्या उमेदवाराचे नांव यादी मध्ये अनुक्रमांक ३ वर दिले आहे. बहुजन समाज पार्टी हा राष्ट्रीय पक्ष असल्यामुळे त्याच्या उमेदवाराचे नांव हे निवडणूक आयोगाने ठरवून दिलेल्या निकषांनुसार येणे आवश्यक आहे. असे नमूद केले आहे. त्यामुळे याबाबत आक्षेप नोंदवत बहुजन समाज पार्टीचे उमेदवार डॉ.सिद्धर्थ राजेंद्र टाकणकर यांनी राज्याचे मुख्य निवडणुक अधिकारी यांच्याकडे उमेदवारांच्या अनुक्रमांकाबाबत निकष ठरविण्याची मागणी दिलेल्या निवेदनातून केली आहे. सदरील निवेदनाच्या प्रती विभागीय आयुक्त, छत्रपती संभाजीनगर आणि निवडणूक निर्णय अधिकारी ३९-बीड लोकसभा मतदारसंघ, बीड यांना देण्यात आल्या आहेत.

निवडणूक आयोगाच्या निकषांनुसार कार्यवाही व्हावी :

बहुजन समाज पार्टी हा राष्ट्रीय पक्ष आहे. असे असताना ही अनुक्रमांक-२ वर राज्यस्तरीय राजकीय पक्षाच्या उमेदवाराचे नांव आहे. तर बसपा या राष्ट्रीय पक्षाच्या उमेदवाराचे नांव हे सदरील यादी मध्ये अनुक्रमांक-३ वर दिले आहे. राष्ट्रीय पक्ष असलेल्या बहुजन समाज पार्टीचा उमेदवार असल्यामुळे माझे नांव हे निवडणूक आयोगाने ठरवून दिलेल्या निकषांनुसार घेण्यात यावे.

- डॉ.सिद्धर्थ राजेंद्र टाकणकर

(उमेदवार, बहुजन समाज पार्टी, ३९-बीड लोकसभा मतदारसंघ, बीड.)

================================

Comments

Post a Comment

Popular posts from this blog

जाहिर प्रगटन

Image
जाहिर प्रगटन ---------------------------------------------------- शेख मोहम्मद शोएब शेख शफी यांनी जिल्हा व तुकडी बीड पोट तुकडी व तालुका पंचायत समिती अंबाजोगाई पैकी अंबाजोगाई नगर परिषद हद्दीतील शिवाजी चौक भागातील राजधानी प्लाझा मधील दुसरा मजला घर नं.जुना 8-462 व नविन 8-562 पैकी मधील ज्याचे क्षेत्र पुर्व-पश्‍चिम- 155 फुट व दक्षिण-उत्तर पुर्व बाजू -120 फुट, दक्षिण-उत्तर-पश्‍चिम बाजू - 110 फुट तसेच पुर्व बाजूने दक्षिणेकडील भाग जो पुर्व-पश्‍चिम- 30 फुट, दक्षिण-उत्तर - 45 फुट वरील दोन्ही जागेचे मिळुन एकुण क्षेत्रफळ - 1768.13 चौरस मीटर पुर्ण ज्याची चतुःसिमा खालील प्रमाणे आहे. ज्याची चतुःसिमा - पुर्वेस - डॉ.अब्दुल गफुर पिता अब्दुल मजीद खैरूनिसा बेगम अब्दुल मजीद वगैंरेंची जागा व शेख सलिम शेख महेबुब व शेख जिलानी शेख महेबुब यांची याच नंबर पैकी त्यांनी बांधकाम केलेली दुकाने पश्‍चिमेस - स्टेट बँक ऑफ इंडिया (हैद्राबाद) समोरून जाणारा रस्ता, दक्षिणेस - हाशम पिता कासिम व काजी रजियोद्दीन पिता अफज्ल, युनुस पिता कासिम यांचा पिला बंगला उत्तरेस - छत्रपती शिवाजी महाराज चौक ते स्वातंत्र्यवीर सावरकर चौक जाणा...
Read more

ऋषिकेश लोमटे यांची बीड जिल्हा शिवसेना वैद्यकीय मदत कक्ष प्रमुखपदी निवड

Image
ऋषिकेश लोमटे यांची बीड जिल्हा शिवसेना वैद्यकीय मदत कक्ष प्रमुखपदी निवड ऋषिकेश लोमटे यांच्या निवडीचे बीड जिल्ह्यातून स्वागत  ================================== अंबाजोगाई (लोकनायक मिडिया न्युज नेटवर्क) येथील ऋषिकेश आण्णासाहेब लोमटे यांची शिवसेना वैद्यकीय मदत कक्षाच्या बीड जिल्हा (केज - धारूर - अंबाजोगाई - परळी) कक्ष प्रमुखपदी निवड करण्यात आली आहे. याबाबत त्यांना राज्य कक्ष प्रमुख रामहरी राऊत यांनी निवडीचे पत्र दिले आहे. निवड पत्रात नमूद करण्यात आले आहे की, राज्याचे मुख्यमंत्री एकनाथजी शिंदे, खासदार डॉ.श्रीकांतजी शिंदे यांच्या मार्गदर्शनाखाली आणि सूचनेनुसार वंदनीय बाळासाहेब ठाकरे शिवसेना वैद्यकीय मदत कक्षाच्या बीड जिल्हा - (केज - धारूर - अंबाजोगाई - परळी) कक्ष प्रमुख या पदासाठी आपली ६ महिन्यांकरिता निवड करण्यात येत आहे. शिवसेना वैद्यकीय मदत कक्षाच्या माध्यमातून आपण गोर-गरीब, गरजू आणि आर्थिक दुर्बल घटकांतील रूग्णांना धर्मादाय रूग्णालयात (१० टक्के) राखीव खाटा उपलब्ध करून देणे, निकषांत बसत असलेल्या गरीब रूग्णांवर पुर्णतः मोफत किंवा सवलतीच्या दरात शस्त्रक्रिया करण्यासंदर्भातील मदत तसेच मह...
Read more

जातीपेक्षा भक्ती श्रेष्ठ हे विश्वाला विश्वासपूर्वक सांगणारे संत शिरोमणी नामदेव महाराज (लेखक - राजेंद्र रापतवार, अंबाजोगाई)

Image
  जातीपेक्षा भक्ती श्रेष्ठ हे विश्वाला विश्वासपूर्वक सांगणारे संत शिरोमणी नामदेव महाराज लेखक - राजेंद्र रापतवार, अंबाजोगाई ~~~~~~~~~~~~~~~~~~~~~~~~~~~~~~ सावळे परब्रम्ह श्रीहरि विठ्ठल भक्त संत शिरोमणी नामदेव महाराज यांच्या जीवन  प्रवासावर वाचन, श्रवण व मनन चिंतनातून साकारलेल्या साहित्याचे संक्षिप्त रसग्रहण, समिक्षणाचे शब्दांकन ज्येष्ठ साहित्यिक राजेंद्र रापतवार यांनी नेमक्या शब्दांत केले आहे. ते वाचकांसाठी उपलब्ध करून देत आहोत. ~~~~~~~~~~~~~~~~~~~~~~~~~~~~~~~ संत शिरोमणी नामदेव महाराज हे जातीभेद न मानणारे संत होते. जनाबाई सारख्या सामान्य कुटुंबातील महिलेला त्यांनी आश्रय दिला. कुटुंब सदस्याप्रमाणे सन्मान ही दिला. जनाबाईंच्या अंगी असलेल्या भक्ति रचनेच्या ओढीला अधोरेखित करून त्यांना शिष्यत्व ही बहाल केले. या सत्संगामुळे त्या संत जनाबाई म्हणून पुढे ओळखल्या गेल्या. ईश साधनेच्या शिव आणि विष्णू भक्तांतील दुरावा त्यांनी नाहिसा करून हरहर व सांब भक्तीत एकसंघ केले. पंजाब शिख बांधवांना ही भगवद् भक्तीत समरस केले. जातीभेदाला तिलांजली देतांना, जनमानसांत समता बिंबवताना संत नामदेवांनी आपल्या श...
Read more