छत्रपती शिवाजी महाराजांना जय जवान आजी - माजी सैनिक संस्थेकडून अभिवादन

छत्रपती शिवाजी महाराजांना जय जवान आजी - माजी सैनिक संस्थेकडून अभिवादन

==============================

संपादक - रणजित डांगे 

अंबाजोगाई (लोकनायक मिडिया न्युज नेटवर्क)

भारतीय सैन्य दलात कार्यरत राहून आपल्या प्राणाची बाजी लावून, प्रसंगी परकीय शक्तींना आस्मान दाखवून देशाचे रक्षण करणारे जवान हे भारतमातेचे भूषण असतात. अशा वीर सैनिकांचा ज्या, त्या गावांना मोठा अभिमान असतो. अशाच जय जवान आजी - माजी सैनिक संस्थेतील जवानांच्या शुभ हस्ते शिवध्वजारोहण करून अंबाजोगाईत सोमवार, दिनांक १९ फेब्रुवारी २०२४ रोजी शिवजन्मोत्सव सोहळा साजरा करण्यात आला.

 

अंबाजोगाई शहरात मागील काही वर्षांपासून शिवजन्मोत्सव सोहळा जयंती उत्सव समितीचे अध्यक्ष दिवंगत सुनिलकाका लोमटे यांच्या प्रेरणेतून जयंती उत्सव समितीचे प्रमुख रणजित लोमटे यांच्या मार्गदर्शनाखाली व कृष्णा सुनिलराव लोमटे यांच्या पुढाकाराने यावर्षी ही विविध सामाजिक उपक्रम आयोजित करून शिवजन्मोत्सव साजरा करण्यात आला. परंतु, सुनिलकाकांच्या आठवणीने शिवप्रेमी व्याकुळ झाल्याचे दिसून आले. सोमवारी शिवजन्मोत्सवानिमीत्त सर्वप्रथम छत्रपती शिवाजी महाराज यांच्या मुर्तीचे विधीवत पूजन करून मान्यवरांच्या हस्ते दीपप्रज्ज्वलन करण्यात आले. जिजाऊ वंदनेने कार्यक्रमाची सुरूवात झाली. त्यानंतर दरवर्षीप्रमाणे बहुमान देत याही वर्षी जय जवान आजी - माजी सैनिक संस्थेतील जवानांच्या शुभ हस्ते व सर्वधर्मीय शिवप्रेमी नागरिकांच्या प्रमुख उपस्थितीत छत्रपती शिवाजी महाराज चौक येथे शिवध्वजारोहण करण्यात आले. यावेळेस माजी आमदार पृथ्विराज साठे, माजी उपनगराध्यक्ष बबनराव लोमटे, जय जवान आजी - माजी सैनिक संस्थेचे अध्यक्ष कॅप्टन पांडुरंग रघुनाथराव शेप, सामाजिक कार्यकर्त्या ऍड.शोभाताई लोमटे यांच्यासह विविध राजकीय पक्षांचे नेते, सामाजिक, शैक्षणिक, सहकार, शिक्षण, सांस्कृतिक, क्रीडा, वैद्यकीय, विधी, शेती, व्यापार, पत्रकारिता आदी क्षेत्रांतील मान्यवर, सामाजिक कार्यकर्ते, शासकीय व प्रशासकीय अधिकारी, सार्वजनिक शिवजन्मोत्सव समितीचे पदाधिकारी, सदस्य आणि शिवप्रेमी नागरिक तसेच जय जवान आजी - माजी सैनिक संस्थेचे संचालक मंडळ, सभासद व संस्थेतील महिला भगिनी, युवक यांची मोठ्या संख्येने उपस्थिती होती. कै.सुनिल काकांच्या दुःखद निधनामुळे यावर्षी सार्वजनिक शिवजन्मोत्सव समितीने मागील तीन ते चार दिवसांपासून रक्तदान शिबीर, विविध क्षेत्रातील मान्यवरांचा सन्मान आदी उपक्रम आयोजित केले होते. अंबाजोगाई शहर व तालुक्यातील जे सुपुत्र देशाचे रक्षण करतात याचा अभिमान असल्याने त्यांचा आदर्श सर्व नव्या उमेदीच्या तरूण पिढीने घ्यावा, या विधायक हेतूने जय जवान आजी - माजी सैनिक संस्थेचे अध्यक्ष कॅप्टन पांडुरंग रघुनाथराव शेप यांच्या शुभ हस्ते व आजी - माजी सैनिकांच्या प्रमुख उपस्थितीत शिवध्वजारोहण करण्यात आले. तसेच जयंती उत्सव समितीकडून आजी - माजी सैनिकांचा यथोचित सन्मान करण्यात आला. यावेळेस जय जवान आजी - माजी सैनिक संस्थेचे पदाधिकारी व सदस्य हे संस्थेने निश्चित केलेल्या गणवेशात सर्व्हिस मेडल लावून उपस्थित होते. आजी - माजी सैनिकांचा उत्साह पाहून वातावरण भावूक झाले होते. जिजाऊ वंदनेनंतर उपस्थित शिवभक्तांनी "छत्रपती शिवाजी महाराज की, जय", "भारत माता की, जय", "जय जिजाऊ, जय शिवराय" असा गगनभेदी जयघोष केला. देशभक्तीच्या वातावरणात शिवजन्मोत्सव सोहळा साजरा करण्यात आला. या सोहळ्यात जय जवान आजी - माजी सैनिक संस्थेचे अध्यक्ष कॅप्टन पांडुरंग रघुनाथराव शेप, उपाध्यक्ष महानंदाताई पोखरकर, सचिव सुभेदार आबासाहेब हाके, संचालक नायक कुंडलिक गव्हाणे, बाबासाहेब केंद्रे, कॅप्टन नंदकुमार जगताप, कॅप्टन शेख उस्मान शेख हुसेन, सिंधूताई निर्मळ, हवालदार शिवाजीराव ठोंबरे यांच्यासह ज्ञानेश्वर कदम, माणिक काचगुंडे, अरविंद तपसे, अंकुश काळे, शिवाजी गंगणे, बळीराम पवार, सटवाजी वाघमारे, सूर्यकांत मुंडे, दिलीप निकम, महेश्वर सोळंके, सुधीर धायगुडे, सदाशिव म्हेत्रे, योगेश पोखरकर, शितल निकम, मिना तपसे, संगिता सिरसट, मल्हारी सावंत, सुरज गव्हाणे, राधाकिशन पतंगे यांच्यासह जय जवान आजी - माजी सैनिक संस्था पदाधिकारी, संचालक मंडळ, सदस्य आणि कुटुंबातील महिला, पुरूष, युवक, ज्येष्ठ नागरिक मोठ्या संख्येने सहभागी झाले होते.

महाराष्ट्रातील आदर्श शिवजन्मोत्सव :

जयंती उत्सव समितीचे अध्यक्ष दिवंगत सुनिलकाका लोमटे यांच्या प्रेरणेतून विविध समाजोपयोगी उपक्रम राबवून महाराष्ट्रातील एक भव्य - दिव्य असा आदर्श शिवजन्मोत्सव सोहळा अंबाजोगाईत दरवर्षी साजरा होत आहे. हे विशेष होय. भारतीय सिमांचे रक्षण करणाऱ्या बहाद्दर आजी - माजी सैनिकांना दरवर्षी आपुलकीने बोलावून शिवजन्मोत्सवानिमीत्त सैनिकांच्या हस्ते शिवध्वजारोहण करण्यात येते, त्याबद्दल जयंती उत्सव समितीचे जय जवान आजी - माजी सैनिक संस्था पदाधिकारी, सदस्य आणि कुटुंबांकडून जाहीर आभार..!

- कॅप्टन पांडुरंग रघुनाथराव शेप

(अध्यक्ष, जय जवान आजी - माजी सैनिक संस्था.)

=============================