वाघेबाभुळगाव मध्यम प्रकल्पाच्या दुरूस्तीची प्रक्रिया त्वरीत सुरू करा - आ.नमिताताई मुंदडा यांची मागणी
२ कोटी ६१ लक्ष रूपयांची प्रशासकीय मान्यता
=============================================
अंबाजोगाई / संपादक रणजित डांगे (लोकनायक मिडीया न्युज नेटवर्क)
केज तालुक्यातील वाघे बाभुळगाव मध्यम प्रकल्पाच्या सुधारीत प्रशासकीय मान्यतेस मंजुरी मिळाली असून सदरील प्रकल्पाच्या दुरुस्तीची प्रक्रियाही त्वरीत सुरू करण्यात यावी अशी मागणी आ.नमिताताई मुंदडा यांनी अधिक्षक अभियंता यांचेकडे एका निवेदनाद्वारे केली आहे.
या संदर्भात लाभक्षेत्र विकास प्राधिकरण विभागाच्या अधिक्षक अभियंता यांना देण्यात आलेल्या निवेदनात पुढे असे म्हटले आहे की, वाघेबाभुळगाव (ता. केज,जि. बीड.) येथील मध्यम प्रकल्पाच्या विशेष दुरुस्तीच्या कामाला शासनाने प्रशासकीय मान्यता दिलेली आहे. ज्याची किंमत २.२१ कोटी रूपये आहे. प्रशासकीय मान्यता नंतर या कामामध्ये कोणता ही बदल करण्यात आलेला नाही. परंतु GST व नवीन दरसूची २०२२ - २३ मधील झालेल्या बदलामुळे सदरील कामाची किंमत २.२१ कोटी वरून २.६२ कोटी एवढी झाली असून सदरचे अंदाजपत्रक सुधारित प्रशासकीय मान्यतेसाठी प्रादेशिक कार्यालयास सादर करण्यात आले आहे. तसेच अंदाज पत्रकातील वाढ़ कोणत्याही वाढीव परिमाणा मध्ये झालेली नाही. प्रशासकीय मान्यते मध्ये खर्च करण्याची परवानगी देण्यात आल्यास सदरच्या कामाची निविदा काढून काम तात्काळ सुरु करणे शक्य होईल, करिता सदरच्या कामाची सुधारित प्रशासकीय मान्यतेच्या किंमतीस निविदा काढण्याची व प्रशासकीय मान्यतेच्या किंमतीत खर्च करण्याची परवानगी देण्याबाबत कार्यकारी अभियंता, माजलगाव पाटबंधारे विभाग, परळी वैजेनाथ यांनी आपल्याकडे मागणी केली आहे. तरी वाघेबाभुळगाव (ता. केज,जि.बीड.) येथील मध्यम प्रकलपाच्या सुधारित प्रशासकीय मान्यतेच्या किंमतीस निविदा काढण्याची व प्रशासकीय मान्यतेच्या किंमतीत खर्च करण्याची त्वरित परवानगी देण्यात यावी अशी मागणी आ.नमिताताई अक्षय मुंदडा यांनी केली आहे.
=======================================
Comments
Post a Comment