सह्याद्री मराठी पत्रकार संघाचे अध्यक्ष डॉ.जावेद शेख यांनी वाढदिवस साजरा न करता जपली सामाजिक बांधिलकी

सह्याद्री मराठी पत्रकार संघ, केजच्या वतीने पैठणच्या चौधरी कुटुंबियांना आर्थिक मदत

दानशूर व्यक्ती आणि संस्था यांनी चौधरी कुटुंबियांना मदत करावी - सह्याद्री मराठी पत्रकार संघाचे संघटक गोविंद (नाना) शिनगारे यांचे आवाहन 

=============================================

केज/ विशेष प्रतिनिधी (लोकनायक डिजिटल मिडीया न्युज नेटवर्क)

केज तालुक्यातील पैठण (सा) येथील चौधरी कुटुंबियांवर काळाचा घाला पडून अनोखे संकट ओढावले. या संकटातून सावरण्यासाठी गावातील व परिसरातील नागरिकांनी या कुटुंबियांना आधार म्हणून सांत्वन तर केलेच परंतु, काहींनी यांना मदत म्हणून आर्थिक मदत ही केली. 

अशाच प्रकारे "पत्रकारांच्या व भुमिपुत्रांच्या न्याय हक्कांसाठी" हे ब्रिद हाती घेऊन व सामाजिक प्रश्नांच्या संदर्भात कायम कटिबध्द राहण्याचा संकल्प करून केज तालुक्यातील पत्रकारांनी स्थापन केलेल्या सह्याद्री मराठी पत्रकार संघ केजचे अध्यक्ष डॉ.जावेद शेख हे कायम सामाजिक बांधिलकीसाठी सदैव तत्पर असतात नुकताच यांचा वाढदिवस अनोख्या पद्धतीने साजरा करण्याचे ठरविले. अध्यक्ष यांनी आपल्या पत्रकार संघातील प्रत्येक सदस्यांचा वाढदिवस हा समाजसेवा म्हणून एखाद्या कुटुंबाला आधार म्हणून काही रक्कम देऊन व अनाथ आश्रमातील व्यक्तींना फळे वाटप करून आणखीन काही समाजसेवा म्हणून साजरा करण्याचे ठरविले आहे. त्यामुळे अध्यक्षांचा वाढदिवस हा नुकतीच जी पैठण येथील दुर्दैवी घटना घडली होती, त्यांच्या कुटुंबियांना फक्त सांत्वन करून चालणार नाही तर आपण ही आपल्या पत्रकार संघातर्फे काही ना काही आर्थिक मदत करू या माणूसकीच्या दृष्टिकोनातून चौधरी कुटुंबीयांची भेट घेऊन प्रत्यक्ष संघातील सर्व सहकारी पत्रकार बांधवांनी मदतीचा वाटा उचलत रोख स्वरूपात आधार म्हणून आर्थिक मदत केली. खरोखरच ही रक्कम त्या कुटुंबाची कायमस्वरूपी गरज भागवेल का ? असा प्रश्न पडल्याशिवाय राहत नाही. परंतु, फुल नाही फुलाची पाकळी म्हणून जर अशा प्रकारची मदत आपण करत राहिलो तर या कुटुंबाला आधार मिळेल कारण मुलांचे वडील शेतात पडल्यामुळे कमरेपासून अधू झालेले असल्याने त्यांना धड उभे राहता येत नाही, तसेच कुठला ही उद्योग, व्यवसाय देखील करता येत नाही. त्यामुळे या कुटुंबाला आर्थिक आधाराची मोठी गरज आहे. ही गरज लक्षात घेता सह्याद्री मराठी पत्रकार संघ केजच्या अध्यक्षांचा वाढदिवस साजरा न करता चौधरी कुटुंबियांना आर्थिक मदत करण्यात आली. व यापुढेही संघाची वाटचाल ही समाज हितासाठी कायम कटिबध्द असेल असे मत उपस्थित संघाच्या पदाधिकाऱ्यांनी व्यक्त केले. यावेळी पत्रकार संघाचे अध्यक्ष डॉ.जावेद शेख, कार्याध्यक्ष मनोराम पवार, उपाध्यक्ष अनिल ठोंबरे, पत्रकार संघाचे प्रसिद्धीप्रमुख शहाजी भोसले, सचिव शिवाजी औसेकर, संघटक गोविंद (नाना) शिनगारे, कोषाध्यक्ष महादेव दौंड, सहसचिव डॉ.लतीफ शेख, संघाचे सदस्य दत्तात्रय भाकरे, गोविंद लांडगे, काशीनाथ कातमांडे, बळीराम लोकरे, बाळासाहेब घोगरे या पत्रकार संघातील सर्व पदाधिकारी यांच्या हस्ते आर्थिक मदत देण्यात आली.

==============================================